land van Kessel - inv. 1583 - rekeningen Johan van Broekhuizen 1434/1435
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1583 – 13 juli 1434-13 juli 1435
[afbeelding 0001-1583_001.jpg]
Kessel XXXIII
[afbeelding 0001-1583_002]
Dit is Rekenynge en bewisinge mijns Johans van Broichusen, here tot Loe ind to Gheysteren, Erffhaeffmeister etc. Ampte tslants
van Kessell ind ter Horst van allen upboeren ind uytgheven, dat Ick van wegen myns lieuen gnedighen Here (hertoge) van Gelre
ind van Gulich ind Greven (grave) van Zutphen upgeboirt ind vytgegheven hebbe angaende op sente Margareten dach in den
jaeren onss Heren XIIII x XXXIIII ende uytgaende op sente Margareten dach in den jaren ons Heren XIIII c XXXV, die tyt is een jaer.
[13 juli 1434 - 13 juli 1435]
Primo van den Reynthen van der Horst
Item van pacht van de Joffrouwen van der Horst geboirt V vaet rogghen
Item van Eygenmannen IIIJ malder rogghen
Item van den Baede Ampt III malder roggen
Van Jacop Messen I malder rogghen
Item van den pacht to Berchem X malder roggen
Item van den aplenen ter Horst geboirt XCII malder roggen
Summa des roggen C X malder II vaet
Bewisinge des voirscr. roggen
Item van wegen mijns gnedighen heren Johan van Damme gegheven VI malder rogghen.
Item soe blyfft des roggen noch C IIII malder ende II vaet den hebbe ick doen vercoepen ende hebben voir ellick malder geboirt enen
gulden IIII krompstert VIJ gr. maect C XXXVI gulden XII krompstert IIIIJ gr., elke gulden ad XIIIIJ krompstert ende elke krompstert ad XIII
gr. ende soe voirt dese reeknynge uyt.
Summa per se.
Upboeren van malt ende van evenen.
Item van den apboeren XXIIII malder malts, voir ellick malder geboirt enen gulden II krompstert maect XXVII gulden IIII krompstert VIJ gr.
Item van pacht I Malder V vaet evenen
Item tot Oerle van weij evenen III malder II vaet maect tsamen vyff malder I vaet ende hebbe voir ellich malder geboirt VIII krompstert
maect II gulden XII krompstert IIII gr.
Summa lateris C .. XVII gulden II gr.
[afbeelding 0001-1583_003]
Item van tijnsenae uytwisinge des tynsbuecks geboirt XXXVI gulden.
Item van der Olymoelen 1 gulden
Item van der gruyten ketell ende assysen tsamen XII gulden
Item van enen ponde vlass geboirt II krompstert.
Upboeren van Capoenen ende van honeren
Item LIIJ capoen die X gerekent ad 1 gulden maect V gulden III krompstert VII gr.
Item XLII hoenre ende van Zwolgen XII weijhoenres tsamen LIIII hoenre, die XX gerekent voir 1 gulden maect II gulden X kromstert.
Upboeren van gewynne ende hoegen broecken
Item van Reynken van Ynckevoirt van gewynne V gulden VII kromstert III gr.
Item van Jacop van Casterloe van gewynne I gulden
Item van Welter den Smyt van gewynne IIII gulden
Item van Willem van Wisschell van gewynne II gulden
Item van here Peter van der Heiden van gewynne I gulden
Item van Jacop Cremer van gewynne I gulden IX krompstert VIJ gr.
Item van Claes van der Brugghen van gewynne VII gulden
Item van Gherit van der Heiden van gewynne III gulden
Item van Derick van Wanckem van gewynne III gulden
Item Claes van Tyenraede van erfftalen, 1 broeck VII krompstert
Item van Wollen die tonrecht angevangen was by raet der schepenen geboirt 1 gulden
Item van Jenken van Loyt van yffenynge by raet der schepenen geboirt VIII gulden
Item van Cleyn Mertkens soen van yffenyngen by raet der schepenen geboirt II gulden
Summa lateris XCVI gulden X krompstert IIIIJ gr.
Upboeren in den lande van Kessell, in den yersten Kessell ende Helden.
Item van Derick van der Lynden van gewynne geboirt XII krompstert
Item van Gaedert van Stockt van gewynne XII gulden
Item van Pouwels van Spranckenhem van gewynne XX gulden
Item van Ghysen van Dekenshorst van gewynne I gulden
Item van Willem van Eyck van gewynne X krompstert
Item Gherit van den Stade van erfftalen, enen broeck II gulden X gr
Item Peter Nollen soen van gevecht, enen broeck II gulden X gr
Item Zilken Schroeder van eenr muetsuenen, enen broeck II gulden X gr
Item Willem van den Buecken van gevecht, enen broeck II gulden X gr
Item Henne Peters van enen onrechten anvange, enen broeck II gulden X gr
Item van Willem Symons weghen, die tot Helden enen doetslach dede, geboirt van twe malder rogghen, die hij daer jaerlijcx geldende
heefft II gulden V krompstert
Item doe men die Mase nu lest uijyt de en huedde woirden to Kessell drye gestolen vercken angevangen, dat beste van verteerde
die geselle, die de Mase huedden, ende van den ander twe vercken geboirt IIII gulden.
Baerle: nyet geboirt
Blederick ende Brede
Item van Peter Wever van gewynne geboirt II gulden
Item Thys van Berckt van gevecht, enen broeck II gulden X gr.
Item Gherit van Rijnkensvoirt van erffttalen enen broeck II gulden X gr
Item die selve Jan myt onrechttghen sijn pande gesacht, enen broeck II gulden X gr
Item Jan Toerman van gevecht enen broeck II gulden X gr
Item van enen wijve, die tot Brede gerich waert van eenre cleynre koe, die sy hadde geboirt IIII gulden.
Summa lateris LXVIIII gulden VI krompstert VI gr.
[afbeelding 0001-1583_004]
Zeuenhem
Item aldaer van yen tijnse geboirt I gulden
Item Merten Knijp van gevecht, enen broeck II gulden X gr.
Item Ghyse die Wever van erfftalen enen broeck II gulden X gr
Item Reyne van der Gaffelen van erfftalen, twe broecken IIII gulden 1 krompstert VII gr.
Zwolgen ende Wanssem nyet geboirt.
Lotthem
Item aldaer van der abbatissen reynthen van Nuyss gheboirt XIII krompstert VIJ gr.
Raede
Item aldaer van erfftalen ende gewynne geboirt VIII gulden
Item Jan Hillen van erfftalen enen broeck I gulden X krompstert VIJ gr.
Item Willem Yernen van erfftalen, enen broeck I gulden X krompstert VIJ gr.
Item Lyse van den Holt van erfftalen, enen broeck I gulden X krompstert VIJ gr.
Item Peter Nyweerts van erfftalen, enen broeck I gulden X krompstert VIJ gr.
Item Pouwels Hoenen van erfftalen, enen broeck I gulden X krompstert VIJ gr.
Item van enen gevonden yme geboirt VI krompstert
Summa lateris XXVIII gulden VIIJ gr.
Summa omn.. recept... CCCL XI gulden III krompstert J gr.
Dit is uytgeven myns Johans van Broichusen, here tot Loe ende te Gheysteren, etc., dat ick van wegen mijns lieuen gnedigen
heren van Gelre ende van Gulick etc. uytgegeven hebbe bynnen deser voirscreven tijt.
Item beheltelyck my myns Amptbrieffs, bleeff my mijn gnedighe here yn mynre lester Rekenyngen schuldich IX C II Arnhemse
gulden VI bl J gr., end VII C LIII Rynsche gulden.
Summa per se
Item van myns Ampts ende huisgehalts wegen ter Horst CC CX Rynsche gulden ende XVI alde tuyn.
Item voir mynen brant XXVIII arnh. gulden gulden
Item den poirter voir syn loen VI gulden
Item den molner voir syn loen VI gulden
Item XXIJ elle zeyldueckes, elke ell ad I krompstert VII grn maect II gulden IIII krompstert V gr
Item voir lynen totten zeylen gegeven XII krompstert
Item van heckscheyen gegeven VIII krompstert
Item vier graever acht dagen yn den werck, die aen de archen groeven, hadden ellick des dagh an kost II krompstert, maect IIII
gulden VI krompstert.
Item des frydages op sente Severijns avont waeren Henrick van Merwyck, Jacop Schriver ende de stad schriver van Goch gereden
tot Nymmegen tot mynen gnedigen heren umme te rekenen van beide mynen Ampten van twe jaeren, reden voirt tot Tyell ende en
konde aldaer oick nyet ter Rekenyngen komen, reden voirt voir Bueren ende rekenden daer, waeren uijt vyff nacht mit IIII peerden,
verteerden mytter avervaert tsamen XIIII gulden VI krompstert III gr.
Summa lateris M XLIII rynsche gulden ende IX C LXVI arnhemse gulden XIIII krompster VI gr.
[afbeelding 0001-1583_005]
Item des frydages op sente Lenarts avont, was ick gereden myt mijne gnedighe here voir Wachtendonck, bleeff den nacht tot Venle
wes des anderen dage tot myddage toe myt XI perden, verteerden mytter avervaert tsamen VI gulden vyff krompstert.
Item des goensdage ane sente Martens dach reet ick tot Goch tot Elbert van Alphem myt hem te spreken van sunderlinghen trefflike
sakemynen gnedige here antreffen als van der redelic gelyc vrande (brande?) myns here van Colne mijnen gnedighe here voir
Wachtendonck anbrachten, was daer een nacht myt VI perden, verteerde mytter avervaert III gulden.
Item des frydagesnae sente Mertens dach reet ick van der Horst tot Ruermunde, reet des anderen dages voirt to Heynsbergh myn
saken aldaer te bestellen van der kost wegen my te ontslaen, reet weder umme tot Ruermunde, was daer enen nacht en dach umme
der gevangen wille te dedingen, verteerde soe voir nae myt IX perden myt avervaert tsamen XV gulden IX krompstert.
Item des saterdage daer naer reet ick to Cleve ind sprack myt myne here van Cleve van den selven saken, daer umme ick by Elbert
tot Goch geweest hadde, was een nacht wes des anderen dage dat ic geteert hadde myt XI peerden, verteerde myt avervaert tsamen
IX gulden III krompstert.
Item des anderen dages nae sente Kathryne dage quamen twe perde van de Grave toebehoerende mijns heren huisgesynne van
Luytge waeren ter Horst yn der herberge een nacht, verteerden VIII krompstert VIJ gr.
Item ter selver tyt quam een stock van Ruermunde ter Horst op ten huys, die tot Echt geweest hadde die wagenluyde daer umme
verteert IIII krompstert.
Summa lateris XXXV gulden VIJ gr.
Item des manendage op sente Andryes avont quam mijn gnedige here van Mymmgen gevaren to scheep ende voir to Tyell, doe
quam ick sine gnade to muete gereden by Ewyck ende bevall my sine gnaden nae te komen voir Bueren, reet des anderen dage
sine gnade nae to Tyell ende gynck des goensdagh voir Bueren, gynck weder umme des anderen dages tot Wagenyngen, nam
aldaer huerpeerde, daer ick myt reet tegen Deventer op ter Yssell op ten dage etc., was uyt vyff nacht myt III huerpeerden,
verteerden mytter hueren ende avervaert tsamen XV gulden XII krompstert.
Item des sonnendage op sente Stephens dach Leetgen Bade gesant tot Goch umme hoir cedell van der gebroecks wegen aen aen
mijnen here van Cleve tot Lobede to schicken, hem to teergelde gegeven III krompstert.
Item umme sunderlinger tydingen wille van den vyanden die Sander van den Eger op te dertyendach ankommen was, hadde ick
bestelt mijne Ampte to trecken yn die vaeggdije van Gelrelande, was Henrick van Merwyck to Broichusen op ter Mase een nacht
myt vyff peerden, verteerden I gulden.
Item hadde my mijn gnedige here doen schriven des dinsdagh nae Judica tot Kessell op ter Masen myt een deel ruteren te wesen
sine gnade voirt nae te volgen Gherit Zwager ter selver tijt, dat hij die ruteren wedervoet gegeven VI krompstert.
Item ten selven maell Teelken myt myns gnedige heren brieven tot myne here van Heynsberch gesant, hem gegeven VI krompstert.
Item op die selve tyt hadde my Derick van Hetterscheit een gelauye gesant, want hy to laet waert wederbaeden, waeren die Riteren
een nacht ter Horst yn de herergen,verteerden XII krompstert.
Item des goensdage na mia dm ?) was ic gereden tot mynre gnedige here to Tyell ende was doe syn gnade daechden mytten here
van Culenborch, was twe nach to Nymmegen ende een nacht tot Tyell myt XII perden, verteerde behalven dat my tot Tyell voir sess
perden affgedaen waert XIX gulden XI krompstert.
Item des frydage op sente Servaes dach was ic gereden tot mynen gnedige here tot Nymmegen ende was doe Derc Bod aldaer
gericht waert, reet voirt myt sinen gnade tot Arnhem, alsoe als ic daer gescreven was, was uyt IX nacht mit VI perden, verteerde myt
avervaert tsamen XXXI gulden II krompstert.
Summa lateris LXVIIII gulden VIII krompstert VIJ gr.
[afbeelding 0001-1583_006]
Item des sonnendage 'vocem jucunditatis' (5e zondag na Pasen), was ic van beveell mijns gnedige heren gereden myt mynen
Jonchere synre gnaden brueder tot Ruermunde by mynen here van Heynsbergh, was aldaer twe nacht myt IX perden, verteerde
myt avervaert tsamen XI gulden III krompstert.
Item hadde my mijn gnedige here doin schriven des dinsdage nae ons Heren Upvaerts dage (hemelvaartdag) to Brede ynder
voederinge myt X gelauyen to wesen, sine gnade daer myt to volgen, Gerit Zwaeger gesan umme ruteren the bidde, hem to
teergelde gegeven XIII krompstert.
Item waert dat ret weyndich Zybken Baede, dat hy die ruteren weder voet to teergelde gegeven I gulden vyff krompstert.
Item des dinsdage in den Pinxt heiligen dagen Loetgen Baede tot Grave tot mynen gnedigen here gesant myt eenre antwert van
Arts wege van Blytterswyck, hem to teergelde gegeven V krompstert.
Item des saterdage nae Pinxten waert to Brede een wyff gericht, den Stocker voir syn loen ende andere dat hy to den gericht
behoefde gegeven III gulden VII krompstert III gr.
Item dat selve wyff was drye weken ter Horst gevangen, verteerde ter weke enen gulden, maect III gulden.
Item hadde my mijn gnedige here doin schriven des donresdage nae onss Vrouwen dach Visitatio myt gansser macht mijns Ampts te
Kessell op die Mase te wesen umme sunderlinger tijdinge wille van den vyanden, was aldaer een nacht myt Vperden, verteerde twee
gulden.
Item hadde my mijn gnedige here doin schriven des sonnendage nae onss lieuer Vrouwen dach Visitatio myt twe hondert ghewapenden
te voet uijt mynen Ampt voir Haeps to trecken, waert mij die brieff nae gesant van der Horst tot Weerdenborch den Baede to teergelde
gegeven X krompstert.
Summa lateris XXII gulden XIIII krompstert III gr.
Uijtgeven aen Bouwe ende Tymmeringhen
Item Gysken ende Goeswyn, tymmerlude ellick XXXVIII dagen in den werck enen stall teyndens der schuere myt enen Zolre daer ynne
gemaect, een veehuys van drye gebonden benedem der nederster brugghen, een nye doer mytten gereempt buijten voir den kelre
ghemaect, enen nyen renboem op ten dyck ende een valderen myt enen stakaet aen beiden syden voir die nederste brugge gemaect
aen den molenen, aen der vloerarchen ende voirt aen ander cleynen werck getymmert hebben, hadden ellick to loen des dage II
krompstert ende ellick des dagh aen koost II krompstert, maect tsamen XXX gulden XIIII kromstert.
Item twe holtsnyder holt ende plancken gesneden totten voirscr. werck XXXV dage, hadden ellick des dage te loen II krompstert ende
ellick aen kost des daghII krompstert, maect tsamen XVIIII gulden IIII krompstert VIJ gr.
Itemaen yseren werck in den yersten enen bant aen der wyntmoelen ende een plaet, kosten te samen VII krompstert.
Item totter Olymoelen totter nederster bruggen aen der vloerarch ende toe den scheep gehadt C VI spykernagell ad IIII kromstert IIII gr.
Item VII nye schenen aen die asse van der Olymoelen IX lasnagel kosten I gulden VIJ gr.
Item totten Scheep IIJ veerdell (zyntelen) 1 veerdell spondnagell, kosten IIII krompstert
Item III veerdell hecknagell ad I krompstert VIJ gr.
Itenm twe gehenge aen die doer van den poerthuisken 1 krompstert
Item twe gehenge aen dieaenricht yn der koecken III veerdell spykernagell enen styper, een schalde myt twe sloepen ende een veerdell
staecknagell aen die koekendoer, tsamen IX krompstert.
Summa lateris XLIII gulde II krompstert IIII gr.
[afbeelding 0001-1583_007]
Item twe cleyn gehenge J veerdell spondnagell aen dat schoepken yn die bottelrye, tsamen II krompstert.
Item op ter porter ende op ter kameren gehadt IJ C staecknagell III krompstert
Item ynden stall soe totter solre totter krybben doeren ende vynsteren ende die letyer myt plancken te onderslaen gehadt VII C nagell,
ellick hondert ad IIII krompstert maect 1 gulden XIII krompstert VIJ gr.
Item vyff paer gehenge totten doeren ende vijnsteren, viff beltken aen den letyeren, VI clampen ende V haeck costen te samen I gulden
IX krompstert VIJ gr.
Item VI spijkernagell, J veerdel lasnagell totten stall 1 krompstert III gr.
Item totter krybben ende totter kelredoer gehadt II gehenge, IIII schalden vyff lasnagell, vyff veerdell spykernagell ad I gulden VIJ gr.
Item noch totter selver doer gehadt C spondnagell J veerdell lasnagel, kosten III krompstert
Item drye yseren tralyen aen den vynsteren bynnen der cameren, kosten VII gulden IIII krompstert
Item aen die selve vynsteren twe gehenge II C spondnaghell kosten IX krompstert
Item totten stakaet aen der nederster brugghen J C lasnagell kosten IIII krompstert
Item voir die gehenge ende clynck aen den valderen gegeven XII krompstert
Item voir twe haeck J C spykernagell gegeven III krompstert
Summa lateris XIIII gulden VI krompstert VIIIIJ gr
Item VIJ veerdell staeknagell J c lassnagell totten stall costen VII krompstert III gr
Item totten veeehuis gehadt IX C latnagell ende staecknagell J C spikernagell een veerdell lasnagell twe gehenge totter doer, costen
tsamen I gulden X krompstert VIJ gr
Iten een yseren lucht in den stall myt twe avervallen, kost III krompstert VIJ gr
Item noch totten stall ende totten veehuys gehadt Cstaecknagell IIJ veerdel latnagel, kosten III krompstert III gr
Item totten gelasen ynder kameren VI yseren roeden, tsamen I gulden
Item voir die gelase gegheven III gul VI krompstert VIJ gr
Item enen steen metser achtdage ynden werck, die die vynsterenynder cameren gehouwen ende die tralyen ynne gesat heeft aen die
kelredoer gemuert ende een nye heymelycheit op die averster kamer gemaect heefft, hadde ellicks dages te loen III krompstert VIJ gr
ende des dages aen kost twe krompstert, maect tsamen III gulden VIJ krompstert
Item enen operknecht twe dage hadde des dages te loen II krompstert endeaen kost des dages II krompstert, maect VIII krompstert.
Summa lateris X gulden X krompstert VI gr
[afbeelding 0001-1583_008 + 009]
Item II M steens ellick dusent ad XXV krimpstert maect III gulden VJ kr VIJ gr
Item III malder kalx, ellick malder vyff krompstert, maect I gul VIJ gr
Item een decker heefft gedect IX dage op ten stall ende op dat veehuys, hadde des dage te loen III krompstert ende des dags aen kost
II krompstert, maect tsamen III gulden 1 krompstert VIJ gr
Item twe operknecht, die den decker operden den stall ende veehuys tuynden en leymden IX dagen in den werck, hadden ellick des
dage an kost II krompstert ,maect tsamen IIII gulden XIIII krompstert
Item IIJ C latten, dat hondert ad II gulden maect vyff gulden.
Item umme tuynrijs bant roeden ende deckteen gegeven III gulden
Item XXXIIII vymmen schoeve gecocht voir XIIII gulden VI krompstert
Summa lateris XXXV gulden VIJ gr
Si(mi(l)iter expositorum M XLIII Rijnsche gulden ende XI C XCVII Arnhemse gulden XIIII krompstert IIJ gr.
Daaronder in latijn een opmerking over het afhoren / verantwoorden der rekening van Udone Talholt door Johan Schelart de Obbendorp,
Sweder Cobbinc, Johan de Boytbergh.