land van Kessel - inv. 1588 - rekeningen Johan van Broekhuizen 1441/1442
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
rekeningen van Johan van Broekhuizen etc. 1431-1441
inv. nr. 1588 – anno 1441/1442
[afbeelding 0001-1588_001 + 002]
Twee bijlagen (kwitanties) bij rekening Ao 1441/1442
Item soe heefft Willem Kellener tot IIII reysen dat hij umme deser gevancgeren will, dat sy tlijff behielden ende mijn gnedige
here daer van creech II C Ryns gulden, verteert XXII ryns gulden, als dat den mairschlack ende Elbert van Alphem waell kondich is.
Item soe wes ick Johan van Broichusen, here tot Loe etc. an mynen gnedigen here van Gelre etc. liggende hebbenvan scholts
wegen des mijn amptbrieff van den lande van Kessel nyet en begrijpt, dat steet hijr nae beschreven.
Item Ic hebbe Johan Budell van wegen myns gnedige here betaelt VI C Arnh. Gulden, die maecken III C XXV Rijns gulden.
Item an Gaedert van Wijlaeck VIII C Rijns gulden, der geet aff LXXV, die die marschalk Henric van Bellick betaelt heeft ende
LX Ryns gulden an Arnt ca Rysswijck to Reys. Soe blyfft dese summe staen op VI C LXV Rijnsgulden. Soe maecken dese
twee sommen IX CC XC Rijns gulden.
Summa per se.
Item des dinsdage nae sente Peters dach ad Vincula sande ic Trompken tot Colne umme een geleyde, doe ick mijn gnedige
heren gelt aldaer vueren solde, hem to teergelde gegeven I Rijnse gulden.
Item des anderen dages daer nae sande ic Zybken to Collen nae Trampken, dat hy my weder onder oghen comen solde ende
seggen my alle gelegentheijt van den geleyde, hem to teergelde gegeven XVII witd.
Item op sente Laurents avont reet ick to Colne, waert mytten voirgen, gelde mit XXXII peerden, here Hermans knaep van der
Horst van dat hy my in der nacht doir die boemen halp to drinckgelde gegeben XVIIII witd.
Item voir den Boemen to drinckgelde gegeven IX witd.
Item op sente Laurents dach quam ic to Colne ende sande Zijbken mijnen naede tot mijnen genedige heren tot Arnhem myt
enen brieff, hem to teergelde gegeven XII witd.
Item ter selver ijt verderffde Zijbken syn peert eer hij wedr to Colne quam, dat hem costet XVIIII Ryns gulden.
Item in der herberge tot Colne bynnen twe dagen mytten voirscr ruyteren verteert XXII Rijns gulden XXII witd.
Item daer nae bleve ic to Colne IIII nacht myt IX peerden, verteerde in der herberge XVII Ryns gulden II witd.
Item der vrouwe te Vellefier gegeven I Ryns gulden XIIII witd.
Item den knecht ende meegden in der herbergen to drinckgelde gegeven X witd.
Item ick reet van daer tot Erclents ende was daer I nacht, verteerde IIII Ryns gulden XII witd.
Item te Vellefier gegeven X witd.
Item den knecht ende meeghden to drinckgelde gegeven IIII witd.
Item van daer reet ic tot Venle ende bracht mijne gnedige here tghelt aldaer wederomme, was daer III nacht, verteerde, behalve
quytinge op ghen Haetendonck tot mynen gnedige here myt enen brieve hem to teergelde gegeven VI witd.
Item dese voirscr. ruyter hadde ic eenen nacht to Wisschen ende enen dach tot Loe, dat laet ic staen tot mijns gnedigen heren
trouwen.
Summa van deser reysen LXXVII ryns gulden XVIIII witd.
Doe myn genedighe here aldair was des donredage na Victors Anno (14)XLII
Item van der kost ter Horst etc., nae uytwisingedes koeckenbuecks C LXV ryns gulden XXIII krompstert 1 oertken.
Summa per se.
Item soe helt mijn compensatije van mijnre lester rekenyngen myns Ampts van Kessel XIIII C XCVI (1496) Ryns gulden XXI clymmer
J gr. Beheltelyc mij mijns Amptsbrieffs, soe comen dese sommen te samen op twe dusent VII C XXXryns gulden V clymmer XII gr.
Item noch van Willem Kelners wegen nae inhalt der selver compensatijen XXII Ryns gulden.
Summa totalis II M VII C LII ryns gulden V clymmer XII gr.