land van Kessel - inv. 1593 - rekeningen Dericks van der Horst 1457/1458
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1593
[afbeelding 0001-1593_001 + 002]
Dit is rekeninge ende bewysinge mijns Dericks van der Horst, Amptman slants van Kessell ende ter Horst van allen opboeren
ende uitgeven, dat ich van wegen myns lieve genedige here van Gelre ende van Gulich ende greve van Zutphen opgeboirt
ende uitgegeven heb aingaende op onser lieuver vrouwen dach Annunciatio in den jair ons heren M CCCC LVII (1457) LVII
ende uitgaende op onser lieuver vrouwen dach Annunciatio in den jair ons heren M CCCC LVIII (1458).
Item soe ist te weten dat int Opboeren ende uitgeven van der heerlichit ter Horst myne gnedigen here die heelft gerekent wordt,
soe se syne gnade aengeet.
Ten yrste van den rinthen van der Horst
Item van den pacht van der Joffere van der Horst geboirt V vait roggen
Item van Eygemans kynderen IIIJ malder III vait rogge
Item van Jacop Messen guet I malder rogghe
Item van den pacht tot Berchem X malder rogge
Item van der nijer thienden VII malder III vait rogge
Item van den moelenen geboirt LXXV malder rogge.
Summa XC VII malder IIIIJ vait rogge.
Bewysinge des vurscr. roggen
Item Goedert van Vlodorp beduerwerker, die hi iairlicx uyten moelenen ter Horst geldende heefft, gegeven VI malder rogge.
Item van bevoel myns gnedigen heren om Gaits will gegeven 1 malder rogge.
Item den vier oorden van alder gewoenten gegeven IIII vair rogge valet similiter VII malder IIII vait roggen.
Item als dese voirscr. VII malder IIII vait roggen affgaen, soe blijfft des roggen noch ick te bewysen sall XC malder 1 vait roggen.
Summa per se.
Summa lateris per se valet her nichil.
[afbeelding 0001-1593_003]
Item des roggen heb ick doen vercopen XXII malder ende heb voir elck malder geboirt I Rynss gulden XV stuver valet XXXVIII rynse
gulden X st. den gulden gerekent voir XX stuver off LII kr
Item op sunte Martens avont des roggen noch vercoft XXXIII malder ad IJ Ryns gulden valet XLIX rynse gulden X st.
Item soe blyft des roggen noch XXXV malder 1 vait roggen, den heb icj doen vercopen elck malder voir 1 rynse gulden V st. valet
XLIII rynse gulden XIX st. J oirtken.
Similiter ain gelde van rogge geboirt I C XXXI rynse gulden XIX stuver J oirtken
Upboeren van malt ende evenen.
Item van den moelenen geboirt XIIII malder malts ende heb voir elck malder geboirt XVIII stuver valet XII Rynse gulden XII.
Item van pacht geboirt I malder V vait evenen ende tot Oirloe III malder II vait wey evenen, simul V malder 1 vait ende heb voir
elckmalder geboirt VIII st. simil II rynse gulden IJ st. of IIIJ kr.
Summa XIIII rynse gulden XII st IIIJ kr.
Item van den moelenen geboirt VIII malder 1 vait boeckweits ende heb van elck malder geboirt XV stuver similiter VI rynse gulden IIJ st.
Item van der olimoelen ende van den volmoelen XVI st.
Item van der olimoelen oick geboirt III virdel ruybkoeken, elck virdel ad IIJ st. valet VIIJ stuver.
Summa VII ryns gulden VI stuver.
Summa lateris valet I C VII rynse gulden XVIII st, IIJ oirtken stuver.
Upboeren van anderen renthen ende vervalle.
Item van thynse XXI Ryns gulden na uytwysinge des thynsboecks
Item van den assizen geboirt VIII Ryns gulden
Item van enen pandt vlas 1 stuver
Item geboirt LIIJ capp(oen) ende tot Swolgen XII hoenre similiter LIIII hoenre, elck hoen ad J stuver valet I ryns gulden VII st.
Item van here Jan van der Heyden van gewyn geboirt I rynse gulden VIIJ st.
Item van Goedert Heydtken van gewyn geboirt V rynse gulden
Item van Heynen van den Bergen van gewyn geboirt III rynse gulden X st
Summa lateris XLII rynse gulden XVIII st.
[afbeelding 0001-1593_004]
Upboeren in den lande van Kessell, primo Kessell ende Helden
Item van Willem Groitvoet om dat hij eyn eynde van eenre schueren op die gemeynt gesat had van componyeringen geboirt VII
rynse gulden
Item van Jenken in gheen Saell om dat hi der lantwere beneven synen kamp een eynde geslicht had van componyeringen geboirt
XV rynse gulden
Item van Cillen Leets om dat hy lant aen hem gheert had, dat syn nyeten was componyeringen geboirt X rynse gulden
Item van der selver Cillen van eenre penen, die hy versuymt had componyeringen geboirt VIII rynse gulden
Item tot Helden van beleydinge geboirt II malder rogge ende heb voir elck malder geboirt I ryns gulden III stuver valet simil II rynse
gulden VI st. similiter II Rynse gulden VI stuver.
Item van Coman Heynen om dat hi erve na sich geert had, dat sijn nyet en was van compenyeringen geboirt IX rynse gulden.
Item Lyss Schoemakers to Kessel had oir selven verhangen voir hoirre reder haven van compenyeringen geboirt XII rynse gulden.
Item van Jan van Soemeren, die voel ainder gerichte te dingen had van compenyeringe geboirt XXX rynsse gulden.
Item van Jacop van der Voirt om dat hi enen grave op ter gemeynt gelacht had ende oick van eenre penen van compenyeringen
geboirt VI rynse gulden.
Item van Clais Syben van gewyn geboirt IIII rynse gulden X st.
Item van Gerit Baetsen om dat hi een peert aen gevangen had, dat syn nyet en was van compenyeringen geboirt II rynse gulden
XIIIJ stuver.
Item van Jan van Soemeren van erfftalen II broecken, elck broeck ad I rijnse gulden VI kr valet II rynse gulden XII kromstert valet
V st II oirtken.
Item van Heynen Gabels van erfftalen II broecken II rynse gulden XII kromstert ... VJ st.
Item van Gaedert Stoeckt emde Geerken Hermans van erfftalen III broecken III rynse gulden XVIII kr valet VII st I oirtken.
Item van Thysken Bedrijfs van gewyn geboirt I rynse gulden X st.
Summa lateris C XV rynse gulden XIX stuver I oirtken.
Item van Willem ende Heynen Visscher van erfftalen II broecken II rynse gulden XII kr en VJ st.
Item van Merten Visscher van erfftalen 1 broick I rynse gulden VI kr vl(ems?) en II st III oirt.
Item van Cillen Schroeder van erfftalen 1 broeck I rynse gulden VI kr vl(ems?) en II st III oirt.
Item van Goessen Brouwer van erfftalen 1 broeck I rynse gulden VI kr vl(ems?) en II st III oirt.
Baerle
Item van Q(?)nalien kynderen om dat sy een straet te enge gemaickt hadn van componyeringe geboirt X rynsse gulden.
Item van Herman Knyff oick van eenre straten tenge gemaickt van componyeringe geboirt II rynsse gulden.
Item van Peter Nuelenom dat hienen graeff ewenich op die gemeynt gelacht had van componyeringe geboirt III rynsse gulden VII st.
Item Peter Wolters heefft in voirtyden after Henricks rugge van Merwick gekalt dair aff van componyeringe geboirt XVIII rynsse gulden.
Item van Jan van Bracht des gelyken geboirt XL rynse gulden
Item van Alairt Willemss(oe)n van erfftalen 1 broeck 1 rijns gulden VI kr ende II st III oirt
Item van Ghiben van erfftalen geboirt 1 broick 1 rijns gulden VI kr ende II st III oirt.
Summa lateris LXXXI rynse gulden VI stuver I oirtken.
[afbeelding 0001-1593_005]
Blerick
Item van Hoegen, die op ten scepenen gekalt had ende is aflivich worden van synen erven genomen van componyeringe geboirt
XL rynsse gulden.
Item van here Reyner in geenre Weyden om dat hi heggen ende tuyn op die gemeynte gelacht had van componyeringe geboirt
IX rynsse gulden.
Item van Alairt van den Broeck van erfft(alen) 1 broeck 1 ryns gulden VI kr Elck VI kr gerekend ad II st III oirtken.
Item van Heitken van erftale 1 broeck I rynse gulden VI kr.
Item van Gaert van den Broeck van erftalen 1 broeck I rynse gulden VI kr.
Item van Gaert van der Saelstat van erftalen 1 broeck I rynse gulden VI kr.
Item van Lisbeth van Dyck van erftalen III broecken III rynse gulden XVIII kr
Item van Willem Naelen van erftale 1 broeck I rynse gulden VI kr.
Item van Lenert Wellens van erftale 1 broeck I rynse gulden VI kr.
Item van Henrick opten Hoff van erftale II broeck II rynse gulden XII kr.
Item van Jenneken aen genen Broeck van erftale 1 broeck I rynse gulden VI kr.
Item van Lisbeth van Dyck van erftalen II broecken II rynse gulden XII kr.
Item van Jenneken Heydens van erftale 1 broeck I rynse gulden VI kr.
Item van Katherynen Heydens avn erftale 1 broeck I rynse gulden VI kr.
Item van Heynen Quaetgaertkens van erftale 1 broeck I rynse gulden VI kr.
Item van Gerit Maes van erftale 1 broeck I rynse gulden VI kr.
Item van Heynen van der Boechorst van erftale 1 broeck I rynse gulden VI kr.
Item van Jan Duvels van erftale 1 broeck I rynse gulden VI kr.
Item van Moelleken van erftale 1 broeck I rynse gulden VI kr.
Item van Heilwich Kocks van erftale 1 broeck I rynse gulden VI kr.
Item van Heynen van Egelbosch van erftale 1 broeck I rynse gulden VI kr.
Item van Johannes van den Broeck van erftale 1 broeck I rynse gulden VI kr.
Item van Willem van Dael van erftale 1 broeck I rynse gulden VI kr.
Item van Heynen van Haeffacker van erftale 1 broeck I rynse gulden VI kr.
Summa lateris LXXIX rynsch gulden XIIII stuiver III oirtken.
Item van Willem Bucks moeder van erfftalen 1 broeck I rynse gulden VI kr.
Item van Heynen Haeffackers van erfftalen 1 broeck I rynse gulden VI kr.
Item van der nyer thienden tot Blerick geboirt IJ malder rogge ende heb voir t malder geboirt I rynss gulden IIII st. facit 1 rynse gulden XVI st.
Item van Peter Moellener van erfftale 1 broeck I rynse gulden VI kr.
Item van Gaetsken Schroeder van erfftale 1 broeck I rynse gulden VI kr.
Item van Willem Kock van erfftale 1 broeck I rynse gulden VI kr.
Item van Peter van Mens/Meus van erfftale 1 broeck I rynse gulden VI kr.
Brede
Item van Arnt Moelemans van enen baent ende eyn verdel lants dat vervallen was van componyeringe geboirt VIII rynsse gulden.
Item van Jenneken van der Heerstraten van erfftale 1 broeck I rynse gulden VI kr.
Item van Jacop Toerman van erfftale 1 broeck I rynse gulden VI kr.
Item van Syben Hugen van erfftale 1 broeck I rynse gulden VI kr.
Item van Dries Scheerze van erfftale 1 broeck I rynse gulden VI kr.
Item van Ycken van Helden van erfftale 1 broeck I rynse gulden VI kr.
Item van Peter Kupenbynder van erfftale 1 broeck I rynse gulden VI kr.
Summa lateris XXIII rynse gulden IX st I oirtken.
[afbeelding 0001-1593_006]
Item van Gerit Smeet van erfftale 1 broeck I rynse gulden VI kr.
Item van Jenneken Schoemakers van erfftale 1 broeck I rynse gulden VI kr.
Item van der nyer thienden gebuert IIJ malder roggen, dmalder ad 1 rynse gulden ende IIII stuver maickt III rynse gulden.
Item van Wyenhavens guet geboirt 1 malder roggen vercoft voir 1 rijnse gulden IIII st.
Item van Peter van Brede, die enen wilkoer gebroickt had van comporyeringen gebuert I C L rynse gulden, dair van gegeven
heymelicken luden, die dat ambrochten XXV rynse gulden, soe blivet noc I C XXV rynse gulden.
Sevenhem
Item aldair van lyfgewynsguet gebuert I ryns gulden X st
Item van Arnt van Cranenburch van gewyn gebuert I ryns gulden X st
Item van den heiligen Geestmeisteren van Venloe van gewyn geboirt VI ryns gulden
Item van Jennesken Wolters van gewyn geboirt VII rijnse gulden VIII st.
Item van Jennesken Duvels van gevecht IIJ broeck maeckt II rynse gulden XL kr III oirtke
Item van Gaertken Gyskens van erftale 1 broeck I rynse gulden VI kr
Item van Gerit van Bamerloe om dat hi syn pande mit onrecht gekeert had 1 broeck 1 ryns gulden VI kr
Item van Willem Moeller van erftale 1 broeck 1 ryns gulden VI kr
Item van Jans Roeskens van erftale 1 broeck 1 ryns gulden VI kr
Item van Thys bij Stervelts van erftale II broeck II ryns gulden XII kr
Summa lateris I C LVIII rynse gulden XVII stuver III oirtken.
Item van Clais van den Herse van erftale 1 ryns gulden VI kr
Item van Seger Borwater om dat hi die lude gedreicht had to bernen dair om hi een wyl tijt ter Horst in den Stock had geseten van
componyeringen geboirt I C rynse gulden.
Swolgen
Item van Peter van Scheelbergen van erftale 1 broeck 1 ryns gulden VI kr
Item van Jan van Cleve, die by nacht enen man geslagen had, van componyeringen geboert X rynse gulden.
Item die van Swolgen hebn my aen geroepen ende vervolcht om eyn beleydinge te doen tusschen hun en die van der Horst, die
van Meerlo, die van Blitterswick, die van Broichusen ende die van Lotthum, die ic gedain heb, soe hebn sy mynen genedige here
geschenckt XXV rijnse gulden.
Item Derick Luytkens enkelinge van der beleydinge aen gher leghenen van componyeringen L rijnse gulden, dair had Arnoldus
Rentmeister XV af
blivet XXXV rynse gulden.
Summa lateris I C LXXII rynse gulden 6 stuvers.
[afbeelding 0001-1593_007]
Lotthem
Item aldair van den abdissen renthen van Nuysch geboirt X st.
Item van Wyenhavens van synen guede, dat to Brede verstorven was van comporyeringen gebuert IX rynse gulden.
Item van Henrisken van den Herse, die by nacht op eens mans door gestoten had van comporyeringen geboirt XIIII rynse gulden.
Rade (Venray)
Item van Henrick Michiels, die by enen dootslach geweest had, van comporyeringen geboirt XX rynse gulden
Item van Vogelsanck van enen have tot Oirloe gelegen den hi to Rade mitten gericht verloeren had van componeringe geboirt II C XXXIX
rynse gulden. Ende noch XI rynse gulden, die tot onray gegain syn, die ick nyet en rekene.
Item van Merten Truyen, die eyken holt op die hemeynt had gehouwen van componeringe geboirt I C rynse gulden.
Summa lateris III C LXXXII rynse gulden en X stuver.
Summa summarum van allen opboerenvurscr. beloipt tsamen nae uitwysinge der partes XII C X rynse (1210) gulden XVIII stuver IJ ort.
Dit is uitgeven myns Dericks van der Horst, Amptman etc. dat ic van wegen myns genedige here van Gelre, van Gulich etc. uitgegeven
heb bynnen dese voirscr. tijt.
Item my gened. here geeft my iairlicx van mynen Ampt te verwaeren ende van des huyss gehalt I C rynse gulden.
Item soe geeft myn genedige here van twen dusent dryehondert twe ende tnegentich rynse gulde XXXIII kr, die ick van syner genade
wegen gefonyert heb van XV penningen siairs enen penninck na uitwysinge myns amptzbriefs dair af doch hondert gulden sonder
schade staen sullen, maickt siairs I C LII rynse gulden XVII st.
Item soe geeft myn genedige here my jairlicx van den scholtetampt te verwaeren voir kost ende arbeit L rynse gulden.
Item voir ruvoeder iairlicx X rynse gulden
Item tot mynen peerden iairlicx LX malder haveren ad J klincker, maickte XXIIJ rynse gulden
Item voir mynen brandt IX rynse gulden
Item den poirter voir synen cost ende loen XXI rynse gulden
Item moellener voir synen kost ende loen XIJ rynse gulden
Item XXIII ellen seyldoecks des III kr I oirtken maickt I rynse gulden XXII kr I oirtken
Item voir lynden totten seylen gegeven X kr
Item voir myspelbomen holt totten kammen ende staven op ten moelenen gegeven I rynse gulden XIIIJ kr
Item voir heckschenen gegeven XIII kr
Item gecoft een nye hennepen zeil, dair men die sack mede op die wynmoelen treckt, woech LXII pondt, elck pondt ad 1 vlems, maickt
myns gen.heren deel 1 rynse gulden VIII kr I oirtken.
Item IIII grevere hebn aen den arcken gegraven II dage, elck des dage am kost V kr, maickt XL kr.
Summa lateris III C LXXXI ryns gulden XVIII stuver III oirtken.
[afbeelding 0001-1593_008]
Item per litteram domini des goedesdage na onser lieve vrouwen dach Annunciatio was ick gereden tot Grave ende was uyt II nacht mit
III peerden, elck peert sdage ende nachts J klincker maickt II ryns gulden V st.
Item des donresage dair na reed ich voirt ain geen tolhuys ende voirt tot Arnhem was uyt IIII nacht mit III peerden, elck pert gerekent als
voir maickt IIIIJ rynse gulden.
Item des vridage dair na sand ick eynen bade tot Arnhem mit brieuen ain mynen gen. here den gegeven VIII st.
Item ten selven mail sande ick enen bade na Jan van Reyd, den gegeven III st.
Item per litteram domini op ten Palmavont was ick gereden tot Gelre ende was vyt 1 nacht mit II peerden verdain XV st.
Item per litteram domini goedesdage na Palmdach was ick gereden weder tot Gelre, dair met myns gen. here Raede waeren, was uyt
1 nacht mit II perden, verteerde XV st.
Item ten selven mail sand ick enen bade tot Arnhem am myns heren genade mit brieve omme vogelsancks will, date VIII st.
Item des donresdagh dair na sand ick noch enen bade tot Arnhem am myns here gnade, VIII st.
Item des manendagh na den heiligen Paischdach sand ick enen bade tot myne gen. here tot Grave, date V st.
Item per litteram domini sdynxsdage dair nae enen bade gesant to
Johan van Goir, date IIJ st.
item per litteram domini sguesdage dair nae was ick gereden tot mynen
gen. here tot Grave ende was uyt acht dage mit II peerden,
verdede VI rynse gulden.
Item des manendage na Beloken Paischen, sand ick eynen bade tot Venlo na Johan Vogelsanck, date VI st.
Item Sonnendagh op ten Meydach sand ick enen bade tot mynen gen. here van der Horst tot Grave mit Vogelsancks brieve, date V st.
Summa lateris XVI rynse gulden XI stuver.
Item des goedesdage na des heiligen Cruces dach Inventio sand ick enen bade tot Weert tot myne here van Hoern om der gemeynten
will tusschen Kessel ende Neer, date V st.
Item sdonresdage dair nae was ic gereden nae mynen gen. here tot Gelre omme vogelsancks brief van den have (boerderij) tot Oirloe,
was uyt 1 nacht mit III peerden verdede 1 rynse gulden IJ st.
Item svridage dair nae rede ick voirt tot Venloe om Vogelsancks gelt, stonde dair af, verdede XV stuver.
Item per litteram domini gesant tot Grolle (Groenlo) III gewapende, die alldair blevenliggen V weken, den te teergelde II ryns gulden XVIII st.
Item sdynxdagebae sunte Johans dach an porta ltiam (?) sand ick enen bade tot myns heren gnaden tot Grave om des peerts wille, dat
hi here Willem van Nesselraide had gegeven, dats V stuver.
Item des satersdage op sunte Bonifacius avont van beveel myns gen. here, was ick gereden mitten ruiteren tot Groesbeeck, reedt voirt
aen geen tolhuyss mit VII peerden, was dair enen nacht, verdede II rynse gulden XIIJ st.
Item vandair reet ick tot Grolle dair ick geguyt wairt, dan doe die ritteren ewech reden, bleef ick aldair noch twee nacht om saken will myns
here genade wail wetende quytet my selven myt VII peerden, verdede V rynse gulden V stuver.
Item then selven mail reet ick voirt na myne gen. here tot Arnhem, bleef dair IIII nacht endemyngen. here sand my van dair voirt tZutphen
mit here Everts brieven van Wilp, was dair II nacht, reedt weder tot mynen gen. here tot Arnhem, bleef dair oick II nacht tsamen VIII nacht
mit V peerden, verdede elcx dage IIJ klincker, mayckt XV rynse gulden.
Item sdynxsdage na den Sonnendach Exaudi, sandick enen bade van der Horst tot Arnhem na mynen gen. here mit myns heren brief
van Coelne, date VIII stuver.
Item ten selven mail sand ick enen bade tot Nymmegen omme den scherpenrichter, date VI st.
Item soe was die scherperrichter ter Horst omme knecht te besuecken, V dage, hadsdags aen kost III st. maickt XV st.
Item voir syn huer pert sdags betailt V vlems, maickt XLVIII kr1 oirtken.
Item hem voir syn loen gegeven 1 Rynse gulden.
Summa lateris XXXI rynse gulden XJ stuver.
[afbeelding 0001-1593_009]
Item smanendagh na Pinxtdach sand ick III baden uyt omme saken will, date XX stuver.
Item ten selven mail sand ick enen knecht tot peerde van der Horst tot Arnhem tot myne gen. here, date X st.
Item des sonnendage na Sunte Johannes Baptista sand ick myn gen. here Johan van Gelre, Johan van Egmont ende mij tot Grave mit
6 peerde ende beval my dair te bliven, was dair VIII nacht. Ende want onse peerde gevoedert worden verdeden wy elcx dages IJ
klinckertm, maickt IX rynse gulden.
Item smanendage dair na sand ick enen bade tot Regberge (?) tot mynen gen. here, date Vi st.
Item enen gesant yn Brabant om te vernemen etc. date te teergelde IJ rynse gulden.
Item ten selven mail oick enen gesant tot Weert om te vernemen date VIII st.
Item do Jan van Gelre, Jan van Egmont ende ick tot Grave reden to Nymmegen te veergelde gegeven IIIJ st.
Item op onser lieuer vrouwen dach Visitatio sand ick enen bade van den Grave tot Ruermunde by nacht totter mars(alck?), den
Coekenmeister ende der stat Ruermunde, date XIIst.
Item fvridage dair na sand ick enen bade van der Horst by nacht tot Aernhem tot mynen genedige here mit brieven, date XII st.
Item des sonnendage dair na sand ick enen bade van de Grabe tot Gelre na here Johan van Arendaeyll, Sander van Eger ende den
rentmeister, date VI st.
Item des Sonnendage na onser lieuer vrouwen dach visitatio quam myn genedige lieue here van den Grave ter Horst te wagen mit XIIII
personen, bleef dair bis des anderen dage na middage, dair quamen deels van der Ritterschap ende cleyne steden van der Nyerzen
opwairts tot mynen gen. here, verdeden na uitwysinge des Coekenboicks XI rynse gulden XXXIJ kr.
Summa lateris XXV rynse gulden XIX stuver 1 oirtken.
Item p(er) lit(teram) dom(ini) des anendage dair nae reet ick na mynen gen. here tot Arnhem mit III peerden, was dair V nacht, reetvoirt
van beveel myns gen. here tot Grave om dair te besyen, was dair IIII nacht mit III peerden. Ende doe dede ick myn ander peerde voirt van
beveel myns gen. here ter Horst halen, reet voirt aen gheen tolhuys mit myns gen. here brieven, was dair I nacht mit VI peerden, tsamen
XI nacht mit III peerden, maicktt XII rynse gulden VIIJ stuver.
Item den bade die myn peerde van den Grave ter Horst by nacht hailde, gegeven VI stuver.
Item p(er) lit(teram) dom(ini) svridaigh op sunte Marien Magdalenen dach reet ick tot Gelre to mynen gen. here, was dair VI nacht mit III
peerden, maickt VI rynse gulden XV st..
Item des manendage op sunt Jacops dach van beveel myns gen. here omme heymelicken oirber in bywesen des Coekenmeisters ende
Sanders van Egeren gegeven X nye rider gulden maken VIII rynse gulden XV st.
Item noch ter Horst omme heymelicken oirber als myn gen. here wail weet, gegeven X rynse gulden XIIIJ stuver.
Item des satersdage na sunte Panthaleoens dach reedt ick tot Venloe na myns here genade, was dair IIII nacht mit II peerden valet III
rynse gulden.
Item p(er) lit(teram) dom(ini) saterdage na sunte Peters dach ad Vincula, reed ick tot mynen gen. here tot Ruermunde, was dair enen
nacht mit III peerden valet 1 rynse gulden IIJ stuver.
Item des manen dagh dair na quam myn gen. here ter Horst van Ruermunde mit XXVII peerden ende XXXII personen, bleef dair bis des
goedesdage ende reedt doe tegen den avont tot Gelre, verdede in allen Ampten en quytingen na uitwysinge des Coekenboicks XXIX
rynse gulden XXVJ kr.
Item myn gen. here had my versat ain Brant van Brede, den ick heb betailt I C rynse gulden.
Item myn gen. here heefftmy twee reysen doin schryven om eyn graeuwe peert, dat myn was, synen gnaden te seynden, dat ick dede,
kostet LX rynse gulden.
Summa lateris valet II C XXXII rynse gulden IX stuver I oirtken.
[afbeelding 0001-1593_010]
Item p(er) l(itte)ras) dom(ini) heb ick gesant tot Grolle IIII gelaiven, die dair een lange wyl lagen, den to tergeld gegeven VI rynse gulden.
Item doe die ruteren van dair op braken, wairt oen een peert af kranck, dat doot bleef, dair ick voir heb betailt XXXVI rynse gulden.
Item Sonnendage na sent Michiels dach quam myn lieue gen. here van Goch ter Horst mit XIII peerden, bleef dair bis des anderen dage,
tegen den avont dair quamen tot mynen gen. here heer Johan van Arendaile, here Reyner van Oppendorp, Derick Schinck, Johan
Schinck ende meer anderen, verdeden nae uitwysen skoekenboicks XIII rynse gulden XXXV kr IIIJ oirtken kr
Item des goedesdage na sente Remeys dach voir middage quam myn lieue gen. here ter Horst mit XX peerden, reet des anderen dages
voirt tot Ruermunde, verdede na uytwysinge skoekenboicks XII rynse gulden XI kr III oirtken.
Item p(er) l(itte)ras) dom(ini) tsaderdage na de XI M meegden dach, reet ick tot Grave ynne mit VI peerden, der hoirden my V toe ende
Floris van Meerloe I ende bleef dair bis alre heiligen dach te samen X dage, soe geeft my myn gen. here sdage voir mynen kost IIII st
ende I quart wyns ad IJ st.. Ende Floris voir synen kost II stuver I oirtken ende IIII knecht elck sdage II st., maickt den kost elck dages XV
stuver III oirtken nede sdages te ruvoeder VI vlemsche, maickt IIIIJ st., soe koempt die cost ende ruvoedr sdages op 1 rynse gulden
Ioirtken stuver, maickt samen dese tyen dage X rynse gulden IIJ stuver.
Item soe bleef ic dair liggen myt desen VI peerden ende bymij quamen
Johan van Aenholt ende Gerit van Mekeren, elck mit II peerden,
bis Sent Gregorius dach toe, dat syn XVIII weken ende III dage, Soe had Johan van Aenholt ende Gerit van Mekeren sdages elck voir
synen cost II stuver I oirtken ende hoirre twe knecht voir hoeren cost IIII st. Ende voir hoere peerde te ruvoeder sdages III st. ende Floris
van Meerloe ende ick myt VI peerden sdages I ryns gulden I oirtken stuver, tsamen elckx sdage I rynse gulden XI st. III oirtken.
Soe koempt die weeck op XI rynse gulden II st. I oirtken maickt te samen dese voirgenoemde tijt II C IIII rynse gulden XV st III oirtken stuver.
Summa lateris valet II C LXXXII rynse gulden ende XVIJ stuver
Item soe bleef ick voirt tot Grave mit Floris van Meerloe liggen mit VI peerden bis onser lieuer vrouwendah Annunciatio, dat syn twe
weken verdede elcke weke VII rynse gulden I st. III oirtken, maickte dese twe weken XIIII rynse gulden IIIJ stuver.
Item des manen dagh op sent Severijns dach sande ick eynen bade van den Grave tArnhem tot myn gen. here, want dan quait wech
was ende an/III (?) veerstede, so gaf ick den bade V st.
Item des donredage na sent Crispyns dach noch enen bade gesant van den Grave tArnhem tot mynen gen. here, date V st.
Item des sonnendage na sent Symon Juden dach quamen myns gen. heren hinxten mit anderen peerden ende huisgesyn ter Horst,
verdeden ein haveren, mailtiden ende ander IIII rynse gulden XLIIII kr.
Item des manendage op sent Wilborts dach sand ick enen nade van den Grave tArnhem tot mynen gen. here, date V stuver.
Item des vridage op sent Mertens dach sand ick eynen bade van den Grave tArnhem ende voirt tot Ruermunde tot myne gen. here,
date XI st.
Item des sonnendage na sent Mertens dach nach enen bade van den Grave ges(onden) tot Arnhem tot mynen gen. here, date V st.
Item des selven dage sande ick eynen bade tot Nymegen, date III st.
Item ten selven mail sand ic eynen bade tot Kessel omme stalen syn geleyde op te doin seggen, date VI st.
Item des manendage na sent Elizabetthen dach sand ich enen bade tot Arnhem tot mynen gen. here date V st.
Item des sonnendage op sente Barbarendach eynen bade noch tArnhem gesant tot mynen gen. here, date V st.
Item des guesdage na sent Lucyen dach dede my myn gen. here schryven mitten ruteren te riden, sande enen bade in den lande
van Kuick om ritteren te bidden, date III st.
Item myn gen. here gaf here Willem van Nesselraide een peert dat mijn was, kostet LXXXX rynse gulden, dat my here Johan van
Arendaile af kost van wegen myns genedigen here.
Summa lateris valet I C I (101) ryns gulden XIIJ stuver IIJ oirtken.
[afbeelding 0001-1593_011]
Item dat ritt wairt weyndich wedervoet Alairt van Goir ende Johan van Dript den bade gegeven V st.
Item des donredage na sente Lucien dach sand ick enen bade van den Grave thArnhem tot mynen gen. here, date V st.
Item des vridage oick enen bade gesant tArnhem ain mynen gen. here, date V st.
Item saterdage oick enen bade gesant tArnhem to mynen gen. here, date V st.
Item des manendagedair nasand ick enen bade tArnhem tot mynen gen. here, date V st.
Item op sent Thomasavont noch enen bade gesant tArnhem tot mynen gen. here, date V st.
Item des vridage dair na oick enen bade tArnhem gesant ain mynen gen. heren, date V st.
Item op sent Stevens dach reet Heyn Joncker tot Ruermunde mit brieven, date XVIII st.
Item des vridagh na Kirsdach enen bade gesant tArnhem tot mynen gen. here, date V st.
Item smanendage na Jairsdach noch enen bade gesant tArnhem tot myns gnaden doe en konde men van yse nyet wail over die
veersteden komen, gaf den bade XIIIJ st.
Item des satersdage na derthien dach noch enen bade gesant tArnhem tot mynen gen. here, date VI st.
Item des manendage dair na sand ick enen bade tArnhem tot mynen gen. here, date VI st.
Item des Goedesdage na sente Anthonis dach sand ick enen bade tot mynen gen. here, date VI st.
Item op sente Agnetendach noch enen bade gesant tot Arnhem tot mynen gen. here, date VI st.
Summa lateris V ryns gulden IJ stuver.
Item des sonnendage dair na noch enen bade gesant tArnhem tot mynen gen. here, date VI st.
Item des satersdage na Sent Pauwels dac sand ick enen bade van den Grave tot Gelre, date VI st.
Item des selven dage enen bade by nacht tot Gelre gesant tot myns here genade ende diebade en konde nyet ave die Maze
kome, date IX st.
Item des sonnendage sand ick den selven bade weder tot Gelre ain myns heren gnade, date IIIIJ st.
Item des vridaigh na onser lieuer vrouwendach Lichtmissen, sand ick enen bade by nacht tot Goch ende voirt tot Gelre, date
IX stuver tot mynen gen. here.
Item sonnendage dair na noch enen bade gesant tot Gelre tot mynen gen. here, date VI st.
Item alsoe alst dan nu gelegen is, soe heb ick vast soe voir ende na uitgegeven omme heymelicken oirber XIII nye gulden ende
1 postulaet gulden, die maken XII rynse gulden, I stuver.
Item des manendage na sent Mathijs dach reet ick mit myns here gnaden brieven na Henrick van Kriekenbeeck ende voirt tot
Ruermunde na Derick van Oest, was uyt II nacht mit III peerden, verdede II ryns gulden V stuver.
Item mynen gen. here mit Johan van Aken gesant, die ick van Vogelsanck geboirt had II C XX rynse gulden.
Item des Satersdage na sent Geertruden dach sand ick enen badetot Gelre ende voirt tot Goch tot myns heren gnaden, date
IX stuver.
Item sonnendage dair na noch enen bade by nacht van der Horst tot Goch gesant tot mynen gen. here, date IX st.
Item tot Goch om den heymelicken oirber gegeven XVIIJ stuver
Item noch ter Horst om den heymelicken oirber gegeven XVIIJ stuver
Item enen bade van der Horst tot Nymmegen gesant omme vernemen, date VI st.
Item des Goedesdage na sent Geertrunden dach was ich gereden uyt 1 nacht mit VI peerden, verdede II ryns gulden V st.
Item van den Grave enen bade tot Nymegen gesant omme vernemen, date VI st.
Summa lateris II C XLI rynse gulden XVIJ stuver
[afbeelding 0001-1593_012]
Uitgeven aen Bouwe ende tymmeringen.
Item II timmerluyde hebn getymmert XXX dage III ny spanbedde boven myns gen. heren camer, gemaickt 1 roede die van der
wynmoelen onetwee gevallem was vermaickt ende wederynne gesteken, holt gehouwen ende beslagen totter nederster brugge,
den torfschop ny vermaickt, nye kammen ende staven op ter moelenen gemaickt ende yn gesteken, 1 ny trap dair men op ten
sael geet, gemaict I ny privaet ainmyns gen. heren camer, enen nyen stert ain der wynmoelen ende die trap vermaict ende ander
cleyn werck getymmert hebn, die brueggen aen den vloetarcken vermaickt, hadn elecx sdage te loen II st. ende ain kost II st.
maickt XI ryns gulden XVI stuver.
Item die poort van der voirborcht is verdingt te tymmeren voir VIII rynse gulden, maickt myns gen. heren deel IIII ryns gulden.
Item totter poorten gecofft holt voir VIIJ rynse gulden.
Item voir den moelenstert ende totter bruggen gecoft holt voir I rynse gulden.
Item totten torfschop gecoft holt voir IIII rynse gulden
Item totten privaet gecoft holt voir I rynse gulden
Item totter bruggen ain der vloetarck gecoft plancken voir VII st.
Item II holtsnyder hebn tot dese tymmeringen holt gesneden VII dage, had elck sdages te loen II stuver ende ain kost II st, maickt
II ryns gulden XVI st.
Item hier toe verdain ain yserenwerck:
Item IJ C staecknagel, I C spondnagel, I C spykernagel totten spanbedden cost VII stuver.
Item J C tengnagell, V veerdel staecknagel, 1 gehenge aen den valdoeren voir den coilhof, costen VIJ stuver
Item II C spondnagel totten trappen I C spykernagel costen VI st.
Item 1 ny yseren ramen in mynsgen. here camer voir 1 gelasvensteren, costen XVI st.
Item 1 gehenge ain den bachuse ende nagel dair to ende VIII luchten op ter cameren ende in den stellen, costen VII st.
Summa lateris XXXIIII ryns gulden XIJ stuver.
Item IIJ veerdel nagel totten stock, J C lasnagel, J C spykernagel ende V C latnagel totten torfschop, costen XIIII st.
Item IJ C spykernagel, IJ C spondnagel, I verdel lasnagel, I C stocknagel totten privaet aen myns gen. here cameren, costen VIII st.
Item II gelaesroeden II anckeren II yseren roeden aen den privaet, kosten XIIII st.
Item J C spykernagel totten moellenen, costen III st.
Item I C spykernagel totter olimoelen ende volmoelen, IJ veerdel lasnagel ende enen overval, tsamen VI st.
Item VIII billen versteelt ende voir II billen gegeven IX st.
Item II C hecknagel coster III st.
Item I veerdel lasnagel, J C spondnagel totter moelen roeden ende die spille opter wynmoelen versteelt costen VI st.
Item III virdel spykernagel totter bruggen, I virdel lasnagel, J virdel spikernagel totten arken ende J virdel lasnagel costen VJ stuver.
Item J virdel laschnagel totter volmoelen ende J virdel spikernagel, costen I st, I oirtken
Item gehadt in de kelre II sloete mit IIII sloettelen, costen VI st.
Item in de bottelry I slot mit II sloetelen voir III st.
Item voir den dienst jofferen slaipcameren 1 slot mit II sloetelen voir III st.
Item II bussensloet vermaickt II st.
Item voir die cluyster ende 1 slot af te breken gegeven V st.
Item noch voir den stall 1 groit cluister ende voir den voedersulre 1 cluister ende voir der schueren 1 cluister, costen V st.
Item voir den vleischkelre een sleep ende 1 spint aen 1 cluister ende 1 sloetel tsmen II st.
Item J C spykernagel totter poorten, J virdel lasnagel, J virdel spikernagel, J virdel spondnagel, J virdel lasnagel tsamen IIII st.
Summa lateris V ryns gulden V stuver III oirtken.
[afbeelding 0001-1593_013 / 014]
Item II muerer hebn gemaict VIII dagen ain den schairsteen in myns gen. heren camer ende in de heymelicheit by den gevangen
taern ende ain der nederster brugge, had elck sdage te loen IIJ st ende ain kost II st. maickt III rynse gulden XII st.
Item enen knecht die oen oeperde sdags te loen I st ende I oirt ende ain kost sdags II st. maickt I rynse gulden VI stuver.
Item hier toe verdaen III M steens, costen III rynse gulden.
Item voir den balck gegeven IJ rynse gulden
Item II leydecker hebn op te huse gestopt II dage, had elck sdage to loen IIJ stuiver ende ain kost II st. maickt XVIII stuver
Item voir leyen ende nagel gegeven I rynse gulden
Item enen knecht die oen oeperde voir syn loen sdags 1 st. 1 oirt ende ain kost sdage II stuver maickt VIJ stuver
Item 1 stroedecker heeft gedkckt op ten torfschop ende privaet X dage ende op te schueren, stellen (stallen) ende backhuysen
V tsamen XV dagen, had sdage te loen II st ende ain kost II st. maickt III rynse gulden.
Item enen knecht, die den decker oeperde sdage te loen 1 st ende ain kost II st maickt II rynse gulden V stuver.
Item hier toe gehadt IJ C latten kosten II rynse gulden III stuver
Item gehadt XXXI vymmen strois, die vymme oir V stuver, maickt VII rynse gulden Xv stuver.
Item eynen knecht gehadt die leymden (leemden) ain den pervaet ende tuynden ain den stellen ende bachuysen VII dage, had
sdage te loen I st ende ain kost II st. maickt I rynse gulden 1 st.
Item hier toe verdaen X boerden weertrys, kosten V st.
Summa lateris XXVIII rynse gulden IJ stuver.
Summa summarum van allen uitgeven vurscr. beloipt tsamen na uitwysinge deser voirscr. partes XIII C LXXXVII rynse gulden XV
Stuver J ort.