GenBronnen

maas

land van Kessel - inv. 1594 - rekeningen Dericks van der Horst 1459/1460


transcriptie door: Rien van den Brand

niet gekontroleerd

geplaatst met toestemming van Rien van den Brand anno okt. 2013

 

Bron: geldersarchief.nl

toegang 001 Graven en hertogen van Gelre

financieel beheer – rekeningen – rekeningen overkwartier

8 ambtman en scholt van het land van Kessel en (ter) Horst (inv. nrs. 1576-1602)

 

inv. nr. 1594

 

[afbeelding 0001-1594_001 + 002]

 

Dit is rekeninge ende bewisinge mijns Dericks van der Horst, Amptman stlants van Kessell ende ter Horst van allen upboeren

ende uitgeven, dat ick van wegen myns lieven genedigen heren van Gelre ende van Gulick ende Greve van Sutphen upgeboirt

ende uitgegeven heb aengaende op onser lieuver vrouwen dach Annunciatio in den jair ons heren M CCCC LIX  (1459) LVII

ende uitgaende op onser lieuver vrouwen dach Annunciatio in den jaeren van LX (1460), dese tyt is een jaer.

 

Primo van den renthen van der Horst

Item aldaer van der Joffrouwen van Meerlair van oeren guede tot Oesterick, daer sy in woent van pacht geboirt vyff vaet rogghen

Item van Eijgemans kynderen van oeren guede tot Weuoirt geboirt III malder III vaet rogghen

Item van Jacop Messen guede achter der kercken geleghen geboirt I malder rogghen

Item van der nijer teenden geboirt  VII malder III vait rogghen

Item van den molenen geboirt  LXIII malder roggen.

Summa LXXV malder vijff vait roggen, tmalder gerekent voir VI vaet.

 

Item des roggen gheet aff aen Goedert van Vloedorp berduersticker, die hy jaerlicks uit den molenen geldende  heefft VI

malder rogghen.

Item den vyer ordenen vand aldere gewoenten op ten molenen gegeven IIII vaet rogghen.

Item als dese VI malder ende IIII vaet rogghen van der voirgen somen affgaen, soe blyfft des roggen noch LXVIIII malder 1

vaet roggen.

Summa per se.

 

[afbeelding 0001-1594_003]

 

Item des roggen heb ick doin vercoepen XXVI malder ende heb voir ellick malder geboirt XVII stuvers, maect XXII ryns gulden II

stuver, den gulden ad XX stuver ende soe voirt dese rekeninge uit.

Item des roggen heb ick noch doin vercoepen XX malder ellick malder voir 1 ryns gulden II stuver, maect XXII ryns gulden.

Item soe blyfft des roggen noch XXIII malder ende 1 vaet, den heb ick doin vercoepen tmalder voir 1 ryns gulden IIII stuver

maect XXVII ryns gulden XVI stuver.

Item van den molenen geboirt XVIII malder malts, tmalder ad XV stuver maect XIII ryns gulden X stuver.

Item van den molenen geboirt VIII malder boeckweits, tmalder ad XII stuver maect IIII ryns gulden XVI stuver.

Item van pacht geboirt 1 malder vyff vaet evenen ende tot Oirle van wei-evenen geboirt III malder II vaet te samen vyff malder

 I vaet evenen, tmalder ad IX stuver maect II ryns gulden VI stuver II oirtken.

Item soe is te weten dat die Olymoelen ende volmoelen ontdeckt is geweest ende bleeff daer umme stille staen daer van

geboirt XI stuver.

Item van enen ponde vlass geboirt 1 stuver.

Item van tynse geboirt XXI ryns gulden, des gheet aff die myns heren genaede den gasthuse gegeven hebben VI alde

botdreger, soe blivet XX ryns gulden XIII stuver IJ oirtken.

Item van der assysen geboirt VIII ryns gulden.

Item geboirt LIIJ capoen, tstuck ad 1 stuver, maect II ryns gulden XII stuver II oirtken.

Item geboirt XLII hoenre ende tot Swolgen XII weyhoenre, tsamen LIIII hoenre,tstuck ad J stuver, maect I ryns gulden VII stuver.

Item van Johan Willems in den Schadicker velde van gewynne geb(oir)t XVII stuver II oirtken.

Item van Willem van der Beeck van gewynne geb(oir)t I ryns gulden XV stuver.

Item van Heynken van den Velde van gewynne geboirt VII stuver II oirtken.

Summa CXXVIII rynsgulden XV stuver IJ oirtken.

 

Upboeren in den lande van Kessell.

Primo Kessell ende Helden.

Item van Tijs Welters van gewynne geboirt  VIII ryns gulden

Item van Tijs Dericks soin van gewynne geboirt I ryns gulden IIII stuver

Item van Goedert Mercell van gewynne geboirt  XIII stuver II oirtken

Item noch van den selven Goedert van gewynne geboirt  IX ryns gulden

Item van enen man van Roggell van gewynne geboirt IIII ryns gulden

Item van Peter van Brienen van componeringen by raet der scepenen geboirt XX ryns gulden

Item van Henrick van der Hese van erfftalen geboirt V morken(?) valet  I ryns gulden II stuver III oirtk.

Item van Derick van Tricht van erfftalen V mork(?) valet  I ryns gulden II stuver III oirtk.

Item Jenken van Cleyn Maris van erfftalen V mork(?) valet I ryns gulden II stuver III oirtk.

Item Willem Bitter van erfftalen V mork(?) valet  I ryns gulden II stuver III oirtk.

Item Jan Hermans van gevecht V mork(?) valet I ryns gulden II stuver III oirtk.

Item Goedert van Holtmoelen van erfftalen twye V mork(?) valet  II ryns gulden V stuver II oirtk.

Item Martijn Borchcamp van erfftalen V mork(?) valet  I ryns gulden II stuver III oirtk.

Item van enen gastgedinge geb(oir)t V mork(?) valet  I ryns gulden II stuver III oirtk.

Item Goedertgen van Stockt van erfftalen twye V mork(?) valet  II ryns gulden V stuver II oirtk.

Summa LV ryns gulden VII stuver III ortken.

 

Baerle

Item van Peter Wolters soin van erfftalen geb(oir)t V mork(?) valet I ryns gulden II stuver III oirtk.

Item van Naelken Jenken Wynen suster van gewynne geb(oir)t III ryns gulden.

Summa IIII Rijns gulden II stuver III ortken.

 

[afbeelding 0001-1594_004]

 

Brede

Item van Brants guede van Brede geb(oir)t VII cluy wollen, ellick cluy ad II co(op?)mans Ryns gulden maect XIII ryns gulden IIJ oirtken.

Item geb(oir)t IIII malder rogghen vercocht voir IIII ryns gulden IIII stuver

Item op Brants have geb(oir)t XIIIJ malder roggen, tmalder ad I ryns gulden 1 stuver maect XIIII ryns gulden III stuver II ortken.

Item geb(oir)t V malder boeckweits tmalder ad XII stuver maect III ryns gulden.

Item III malder gersten, tmalder ad XV stuver maect II ryns gulden V stuver.

Item van Jacop Rutten soin ende  van Gobbell aen den Dudbroick geb(oir)t twye V mork(?) valet II ryns gulden V stuver II oirtk.

Item van here Kerstgen van Raede geb(oir)t V mork(?) valet I ryns gulden II stuver III oirtk.

Item Willem Westerinck van erfftalen twye V mork(?) valet II ryns gulden V stuver II oirtk.

Item van nijen tynse geb(oir)t  XIII stuveer III ortken

Item van der nijer teende geb(oir)t  IJ malder roggen vercocht voir I ryns gulden XI stuver

Item van Gerit Dusinck van gewynne geb(oir)t IX stuver

Item van Jenken Syben van componeringen by Raet der scepenen geb(oir)t III ryns gulden.

Summa LXV ryns gulden VI stuver J oirtken.

 

Blederick

Item op Brants van Brede twe haeffken tot Kuckucstraey geb(oir)t XVII malder IIII vaet rogghen, tmalder ad 1 ryns gulden maect

XVII ryns gulden XIII stuver I oirtken.

Item VI malder boeckweits tmalder ad XII stuuer maect III ryns gulden XII stuver.

Item van faceell holt geb(oir)t XVIII ryns gulden.

Item van Brants pacht ende tynse geb(oir)t VI ryns gulden VIII stuver.

Item van Mertijn mytter Hoicken ende van Lenart Wellens van erfftalen geb(oir)t V mork(?) valet II ryns gulden V stuver II oirtk.

Item van Willemke Duvels ende van Heynen Poet van erfftalen geb(oir)t V mork(?) valet II ryns gulden V stuver II oirtk.

Item Roesken/Roefken van erfftalen V mork(?) valet I ryns gulden II stuver III oirtk.

Item die nye teende is deels gebrant, daer van geb(oir)t IIIIJ vaet roggen vercocht voir XVI stuver.

Summa LII ryns gulden III stuver.

 

Seuenhem

Item van Herman Salen van gewynne geb(oir)t XVIII stuver

Item van Goedert van der Heiden van gewynne geb(oir)t XVII stuver IJ ortken

Item van Henrick Segerssoin van gewynne geb(oir)t I Ryns gulden III stuver

Item van nijen tynse geb(oir)t  I ryns gulden

Item van Jenken Stynen van Soemerman ende coman Jan van erfftalen geb(oir)t twye V mork(?) valet II ryns gulden V stuver II oirtk.

Item Joris die Voirspieeck van erfftalen twye V mork(?) valet II ryns gulden V stuver II oirtk.

Item van Lenart Cort Goeswyns sin van erfftalen geb(oir)t V mork(?) valet I ryns gulden II stuver IIJ oirtk.

Summa IX ryns gulden XII stuver I oirtken.

 

[afbeelding 0001-1594_005]

 

Swolgen

Item van Sijbrecht den Roever van erfftalen geb(oir)t twye V mork(?) valet II ryns gulden V stuver II oirtk.

Item van Jan van der Berendonck van peyndingen geb(oir)t I ryns gulden II stuver

Item van Derick Luytgens van peyndingen geb(oir)t II ryns gulden XV stuver

Item van Tijs van der Haetendonck van peyndingen geb(oir)t III ryns gulden XVII stuver

Item tot Vorst van nijen tijnse geb(oir)t van III jaeren V stuver II oirtken.

Summa X rijnse gulden V stuver

 

Lotthem

Item van der abdissen reynten van Nuyss geb(oir)t X stuver

Item van Cort Jacop van erfftalen geb(oir)t V mork(?) valet I ryns gulden II stuver III oirtk.

Summa I ryns gulden XII stuver III oirtken

 

Wanssem: nyet geb(oir)t

 

Raede (Venray)

Item van Ghijsken van der Gaet geb(oir)t V mork(?) valet I ryns gulden II stuver

Item van Claes Hermans geb(oir)t V mork(?) valet I ryns gulden II stuver

Item Marten Truyen V mork(?) valet I ryns gulden II stuver

Item Johan die Leeuw V mork(?) valet I ryns gulden II stuver

Item Peter van Loebick V mork(?) valet I ryns gulden II stuver

Summa V rynse gulden X stuver.

 

Upboeren van dingtalen

Item tot Lotthem van dingtalen geb(oir)t XL rynse gulden

Item van Henrick Schencken haeve geb(oir)t VI rynse gulden

Item van enen haeve tot Brede geb(oir)t  IIII rynse gulden

Item tot Sevenhem van der Joffr. haeve van Blitterswijck geb(oir)t IIII rynse gulden

Item tot Sevenhem van Tys here Walravens haeve geb(oir)t V rynse gulden X stuver

Item tot Blederick van Grieten Scoetelkens haeve geb(oir)t IIII rynse gulden

Item tot Swolgen van enen cleynen haeffken geb(oir)t III rynse gulden

Item alsoe als die kost mytten ruyteren ter Horst lanck waert, bat ick den dorpen in den lande van Kessell deels mij daer inne te

hulpen te willen comen, soe gaeven my die van Brede XII rynse gulden.

Item die van Baerle VII rynse gulden

Item die van Blederick X rynse gulden

Item die van Wanssem X rynse gulden

Summa C V ryns gulden X stuver.

 

Item soe hebben my die dorpen oick deels p(ro)vande gegeven, die mytter ruyteren verdaen is. Soe en reken ick der nyet to gelde,

gelyck nae bescreven steet.

Item die van Helden hebben my gedaen XXXV malder haveren

Item die van Brede X rynder ende XL malder haveren

Item die van Baerle VII schaep

Item die van Blederick XXXII malder haveren

Item die van Swolgen XVIII schaep

Item die van Broichuser vorst XII schaep

 

[afbeelding 0001-1594_006]

 

Item soe is te weten dat Ick in mynen lesten twe rekeningen als ick van myns genedigen heren wegen gereden was onverhoedt

gerekent heb die my gevoedert was ummetrent XVIII malder haveren, tmalder ad VIIJ stuver maect VI ryns gulden XV stuver.

Summa per se.

Summa summarum van alle mynen opboeren voirscr. compt te samen op IIII C XLV rynse gulden.

 

Dit is uitgeven myns Dericks van der Horst amptman etc., dat ick van weghen mijns lieuen genedigen heren van Gelre ende van

Gulick etc. uitgegeven heb bynnen deser voirg(aende) tijt.

Item myn genedige here gheefft my jaerlicks van mynen Ampt te verwaeren ende van des huisgehalts weghen ter Horst C rynse gulden.

Item soe gheefft my mijn genedige here jaerlicks van den gelde dat ick van syne genaede wegen geworven heb ende Art van

Meerssen gegeven ende uiter den Ampt geloest heb nae uitwisinge myns Ampbrieffs C LVIIII (159) rynse gulden X stuver J krompstert.

Item myn genedige here gheefft my oick jaerlicks van den Scholtet ampt te verwaeren L rynse gulden.

Item voir mijn ruvoeder jaerlicks X rynse gulden.

Item tot mynen peerden jaerlicks LX malder haveren, tmalder ad VIIJ stuver, maect XXII ryns gulden X stuver.

Item voir mynen Brant VIII ryns gulden.

Item den poirter voir sinen kost ende loen XXI rynse gulden

Item den molner voir sinen kost ende loen XI rynse gulden

Item totter wintmoelen gehdt XXIII ellen graeffs lynen duecks, die elle ad I stuver 1 oirtken, maect 1 Ryns gulden VIII stuver III oirtken.

Item voir lynen totten Seylen gegeven III stuver

Item voir myspelboemen holt totten kammen en staven op ten molenen gegeven XII stuver.

Item voir heckscheyen gegeven III stuver

Item den hoymeyeren voir kost ende loen gegeven 1 ryns gulden VIII stuver.

Item vyer graveren hebben aen den archen gegraven twe dage, die hebben den kost mytten ruteren op ten huse gehadt, soe en

rekene ick daer nyet aff.

Summa III C LXXXV rijns gulden XIIII stuver IIIJ ortken.

 

[afbeelding 0001-1594_007]

 

Uitgeven an kost ter Horst mytten ruteren gedaen.

Item doe mijns genedige Jonchere van Gelre vriende yerst tot Venle quam dede ick tot Nymmegen halen IIIJ vat botteren, ellick vat

ad VIIJ ryns gulden, maect myns genedigen heren deell XIII ryns gulden II stuver II ortken.

Item III waegen kantaerts die waege ad II ryns gulden XV stuver maect myns genedigen heren deell IIII ryns gulden II stuver II ortken.

Item VIII tall schollen, ellick tall voir XIIJ stuver, maect myns genedigen heren deell II ryns gulden X stuver.

Item hyer van te vrachten gegeven III ryns gulden, maect myns genedige heren deell I ryns gulden X stuver.

Item ick dede ten Bosch halen droegen visch voir VI ryns gulden, maect myns genedigen heren deell III ryns gulden.

Item VI C pont specks, thondert ad III ryns gulden, maect myns genedige heren deell IX ryns gulden.

Item IIIJ malder salts, tmalder ad I ryns gulden IIII stuver, maect myns genedigen heren deell II ryns gulden II stuver.

Item hier van te vrachten tot myns genedigen heren deell gegeven I ryns gulden.

Item den gesellen ter Horst aff gecocht IIJ vat botte(re)n, ellick vat ad VII ryns gulden, maect myns genedige heren deell VIII ryns

gulden XV stuver.

Item soe men ter Horst nyet gemalen en konde, dede ick tot Raede coepen XXI vat Byers, dat to Nymegen gehaelt was, ellick vat

ad XXIII vleems, maect myns genedige heren deell VIII ryns gulden XII stuver IJ ortken.

Item nocn tot Casterloe gecocht XIIII vat byers, tfat ad XXII vleems, maect myns genedige heren deell V rynse gulden X stuver.

Item noch ter Horst gecocht dat daer gebrouwen was XIII vat byers, tfat ad I postulaets gulden, maect mijns genedigen heren deell

 IIII ryns gulden VI stuver III ortken.

Item gecocht XL malder haveren malts, tmalder ad I postulaets gulden, maect myns genedigen heren deell XIII rijns gulden VI stuver

III oirtken.

Item gecocht XXIX malder geostens (?) malts ad XVII stuver, maect myns genedige heren deell XII ryns gulden VI stuver II ortken.

Item hier onder desen malt gebrouwen VII malder weyts, tmalder ad 1 ryns gulden VII stuver, maect myns genedigen heren deell IIII

ryns gulden XIIIJ stuver II ortken.

Item die ru(i)teren laegen ter Horst XVI weken lanck, verdeden ter weken IIJ malder roggen, maect XL malder roggen, des is comen

uiter den kerspell van Oerle te dingtalen XXXVIII malder, soe gebreken dair af II malder roggen, tmalder ad XVII stuver, maect myns

genedigen heren ten deell XVII stuver.

Summa XCIIII (94) ryns gulden XVI stuver.

 

Uitgeven aen soldijen ende anderen onraet.

Item Holterman ende Conraet die Roey quaemen van Straelen ter Horst myt sich derthienste hadden geweest in myns genedigen

heren soldije VI weken ende waeren ter Horst oick VI weken te samen XII weken, gaff elken van hon te IIII weken te solde II postulaets

gulden, maect LXXVIII postul. gulde, die III gerekent voir II ryns gulden, maect LII ryns gulden, hier van gebt my te betalen den vierden

penninck, soe beloept myns genedigen heren deell XXXIIII ryns gulden, XIII stuver I oirtken.

Item Willem Mesmeker ende Reyner Krechtinck quaemen oick terselver tijt ter Horst myt sich sester, hadden oick in myns genedige

heren soldije geweest VI weken waeren ter horst oick sess weken, te samen III maenden, gaff elken ter maent te solde II postul. gulden,

maect XXXVI post. gulden facit XXIIII ryns gulden, der geboirt my te betalen VI rynse gulden, soe compt myns genedigen heren deell

op XVIII ryns gulden.

Item Roesken ende Ackerstaff quaemen doe oick ter Horst myt sich achste, hadde VI weken in myns genedigen heren soldyen geweest,

gaff elken te solde III postul. gulden, maect XXIIII postul. gulden facit XVI  ryns gulden.

Item dese VIII laegen VI weken op ter wintmoelen, gaff elken bynnen dyer tijt te solde III rynse gulden, te samen XXIIII ryns gulden,

maect myns genedige heren deell XII ryns gulden.

Item soe compt dese soldije te samen op LXXX ryns gulden XIII stuver I oirtken, hyer tegen heb ick van myns heren genaede geb(oir)t

XL ryder gulden, maecken XXXV ryns gulden, als dese aff getogen syn, soe blyfft die soldije staen op XLV ryns gulden XIII stuver I ortken.

Summa per se XLV r. gulden XIII st. I ortken.

 

Item gecocht twe tonnen pijle voir XV ryns gulden, maect myns genedighen heren deell VII ryns gulden X stuver.

Item voir salpeter swevel ende groff donrecruyt daeromme knijpcruyt aff maecte gegeven X ryns gulden, maect myns genedige heren

deell V rynse gulden.

Item den Bussenmeister, die dit cruyt maecte, gegeven 1 ryns gulden, maect myns genedige heren deell x stuver.

Item Ackerstaff ende Herman Velden, ellick 1 armborst gt, gaff hon dair voir IIII rynse gulden, maect mijns genedigen heren deell II

 ryns gulden.

Item lange Herman 1 armborst gelevert, dat hy behielde voir I ryns gulden, gaff hem toe 1 ryns gulden, maect myns genedige heren

deell X stuver.

Item Luger van Monster wairt 1 armborst myt sinen getuge in Brabant genomen, gaff hem daer voir III ryder gulden, maect myns

genedigen heren deell I ryns gulden, VI stuver IIJ ortken.

Summa XVI ryns gulden XVI stuver IIJ ortken.

 

[afbeelding 0001-1594_008]

 

Uitgeven an kost ende p(ro)vanden, die mijn genedige here myt sinen huisgesinne ter Horst verdaen heefft.

Item des vrydage nae Belaecken Paeschen quam myn gen. here van den Grave ter Horst, bleeff daer wes des maenendagh daer

nae, daer en bynnen in allen ampten, nae inhalt des Coecken buecks verdaen XX ryns gulden V stuver IJ oirtken.

Item des doinredage nae Meydach quam mijn genedige here ter Horst myt ummetrent XXIII perden, bleeff daer wes des maenendage

nae Pinxt dach, die tijt maect XI macht daer ende bynnen in allen ampten, nae inhalt de coeckenbuecks verdaen LI ryns gulden IX

stuver, des heefft Henrick van Langell betaelt XXXI ryns gulden VJ stuver, soe gebreect my daer van dat ick uitgegeven heb XX ryns

 gulden III stuver II oirtken.

Item des geensdage nae des heiligen Sacraments dach quam myn genedige here van Ruermunde ter Horst ummetrent XXXIII peerden,

verdede in allen ampten nae inhalt des coeckenbuecks XX ryns gulden XIII stuver, des heefft Henrick van Langell betaelt XI ryns gulden,

 soe gebreect my daer van dat ick uitgegeven heb IX ryns gulden XIII stuver.

Summa L ryns gulden I stuver IIIJ ortken.

 

Uitgeven aen Baedeloen.

Item des donresdage op ons heren Hemelvaerts dach sande ick enen baede van der Horst tot Ruermunde nae myns heren

genade, date III stuver II oirtken.

Item des selven dages enen baede gesant tot Wynant van Eyck umme Johan Peters wille, den Henrick van Blitterswyck gevangen

had, date II stuver

Item des saetersdage daer nae van beveell myns genedige heren noch enen baede tot Sandbeeck gesant umme desselven

gevangen will, date III stuver.

Item des saetersdage nae sunte Urbaens dach sande ick enen baede van der Horst tArnhem tot myns heren genaede, bleeff daer

liggen IIII dage wachte nae synre antwerde, date XIII stuver II oirtken.

Item des saetersdage nae Alreheiligen dach enen baede gesant tot Cleve umme den scarprichter, date IIII stuver.

Item des vrydagh nae sunte Martijns dach sande ick enen baede van der Horst tArnhem tot mynen genedige here, bleeff daer III

dage wachte nae synre antwort, date XII stuver.

Item des saetersdagh daer nae noch enen baede gesant tot Cleve umme den scharprichter, date IIII stuver.

Item des sonnendagh op sunter Claes avont sande ick enen baede tot Arnhem nae myns heren genaede umme der wille van

Raede (Venray), date IX stuver.

Summa II ryns gulden XII stuver.

 

Item op sunte Lenarts dach quam die scharprichter ter Horst, bleeff daer vyff nacht myt enen peerde daer en bynnen verdaen 1

Ryns gulden V stuver.

Item op sunte Elysabetten avont quam die scharprichter weder ter Horst, bleeff daer noch vyff nacht myt enen perde, verdede I

ryns gulden V stuver.

Item hem to desen twe reisen te loen gegeven III ryns gulden.

Item een knecht van Helden geheiten Coln, quam ter Horst gevanghen des vrydagh nae sunte Severijns dach, sat daer in der stock

VI weken twe dage, verdede sdags aen kost II stuver, maect IIII ryns gulden VIII stuver.

Item Derick Noell van Brede sat ter Horst in den stock XIIII dage, verdede sdags an kost II stuver, maect I ryns gulden VIII stuver.

Item ick hebbe twe peerde ter borch in die leiste gesant, die beide verleist woirden, ellick peert ad XXVIII ryns gulden,maect LVI ryns

gulden.

Item soe heb ick gedingt to Kessell umme gewyn ende gewerff tegen Peter van Bryenen, dat die scepenen tot Ruermunde aen oir

hoefft wesen verloes die hoeffvaert ende die kost soe tot Ruermunde ende tot Kessell, beliep te samen XIIII ryns gulden.

Item ick heb gedingt tot Raede (Venray) teghen Willem Byerman die uiter Marten Truyen huse syns lyffs gevreist waert myt

gespannen armborst ende want hy des claechten aff ginghe voir den gericht, soe verloes ick die hoeffvaert tot Ruermunde, die

kost beliep IX rynse gulden.

Summa XC ryns gulden VI stuver.

 

[afbeelding 0001-1594_009]

 

Uitgeven aen teringen als ick van wegen myns genedige here gereden ben geweest.

Item per l(ite)ram d(o)m(ini) op ten Belaecken Paeschavont was ick gereden to Grave tot myns here genaede, was uit vyff nacht myt

III peerden, verdede aen ruvoeder ende teringen tsamen IIII ryns gulden XVII stuver II oirtken.

Item des dinsdage nae den sonnendage Misericordia domini reet ick mytmynen genedige here tot Ruermunde myt III peerden, bleeff

daer was des maenendaghes op Meyavont, die tijt is XX nacht, soe ende waert ick nyet gevoedert, noch gequijt, verdede sdage 1

Rynsgulden, maect XX ryns gulden.

Item des donresdagh nae den heiligen Pinxtdach was ick gereden tot Ruermunde tot mijns heren genaede myt III perden, bleeff daer

wes des goensdage ane des heiligen Sacramentsdach, die tyt is XIII nacht, soe en waert ick nyet gevoedert, noch gequijt, verdede

sdage 1 Ryns gulden, maect XIII ryns gulden.

Item per l(ite)ram d(o)m(ini) des sonnendage nae sunte Vitus dach was ick gereden tot Gelre myt IIII peerdn tot Gerit van Bernsvelt

ende meer myns geneden heren vrienden doe tot Gelre vergadert, bleeff daer twe nacht, verdede III ryns gulden.

Item per l(ite)ram d(o)m(ini) des dinsdage nae onser lieuver vrouwen dach Visitatio was ick gereden tot Gelre myt III peerden, bleeff

daer III nacht, verdede III ryns gulden VII stuver II oirtken.

Item per l(ite)ram d(o)m(ini) des vrydage opsunte Margareten dach reet ick tot Gelre ende voirt tot Montfort myt mijns heren

genaeden myt III peerden, bleeff uit wes des vrijdage nae sunte Peters dach ad vincula die tyt is XXII nacht, verdede sdags I ryns

gulden, maect XXII ryns gulden.

Item des saeterddage nae onss liever Vrouwen dach Assumptio reet ick nae myns here genaede tot Ruermunde myt IIII peerden,

bleef daer XVI nacht, verdede XVI ryns gulden.

Item des donresdage nae onser liever vrouwen dach Nativitatis reet ick tot Ruermunde, nam myt my Sweder van Diepenbroick ende

Frederick van Baer, hadden te samen XV peerde, wachden III dage nae mynen Jonchere van Sombren ende brachten hem myt aver,

verdeden XV ryns gulden.

Summa XCVII ryns gulden V stuver.

 

Item per l(ite)ram d(o)m(ini) des donresdage nae sunte Severijns dach reet ick tot Goch nae myns heren genaeden myt VIII peerden,

was uit I nacht, verdede II ryns gulden XII stuver II oirtken.

Item des dinsdage op sunte Lenarts dach reet ick to Straelen tot mynen genedige here van Egmont myt IX peerden, was uit een

nacht, verdede III ryns gulden VII stuiver II oirtken.

Item per l(ite)ram d(o)m(ini) des donresdage op sunte Thomaes avont reet ik to Grave tot mijns heren genaede myt III peerden,

bleeff daer wes des doensdage op sunte Anthonis avont, die tyt is XXVII nacht, verdede des nachts IJ clinckart, maect XXX ryns

gulden VII stuver II ortken, des gheet aff dat ick gevoedert waert XXII dage, maecken VIII malder haveren ende 1 schepel, tmalder

ad J clinckart valet III ryns gulden III stuver III ortken. Soe blyfft my mijn genedige here daer van sculdich XXVII ryns gulden III stuver

 III ortken.

Summa XXXIII rijns gulden III stuver III ortken.

 

[afbeelding 0001-1594_010]

 

Uitgeven aen tymmeringen.

Item drije tymmerlude hebben getymmert XII dage een poirt baeven die averste brugge vermaict, hebben die bolwercken umme

dat huis emde voirborcht ende oick umme die wintmoelen gemaict, hebben nye reyffen ende kribben in der schuren ende stellen

gemaect, aen den archen gestopt ende ander cleyn werck gemaect hebben, hadden ellick sdage te loen II stuvermaect III ryns

gulden XII stuver.

Item twe holtsnider hebben holt gesneden VIII dagen, hadden ellick sdages te loen II stuver, maect I ryns gulden XII stuver.

Itemeen stroedecker heefft gedect VIII dage, die watermoelen ende olymoelen ontdect ende myt schoeven weder averlacht op ter

schueren ende stallen gestopt, had sdags te loen II stuver, maect XVI stuver.

Item een operkncht die dn decker operde, had sdags te loen I stuver, maect VIII stuver.

Item hyr toe gehadt VIII vymmen schoeve, die vymme ad V stuver, maect II ryns gulden.

Item hyr toe gehadt een veerdell latten, costen VII stuver.

Item een leyendecker heefft III dage op ten huse gestopt, had sdage te loen IIJ stuver, maect VII stuver II ortken.

Item syn operknecht had sdage te loen 1 stuver 1 ortken, maect III stuver III ortken.

Item hyr toe verdaen aen leyen ende nagelen  XIIII stuver

Item dese wercklude hadden den cost mytten ru(i)teren, soe en rekene ick daer nyet aff.

Summa X ryns gulden I ortken stuver.

 

Vitgeven aen yseren werck

Item twe bande umme die roede van der wintmoelen, die spille en spon/spow (?) gesteelt, cost VI stuver, maect myns genedigen

heren deell III stuver.

Item twe gehenghe myt enen avervalle totten doeren van den stakaet umme die wintmoelen ende X yseren cloete totten bussen

costen tsamen XVI stuver, maect myns genedigen heren deell VIII stuver.

Item op ter Bruggen twe bande, een clamme ende I C lasnagel, costen IX stuver, maect myns genedige heren deell IIII stuver II ortken.

Item tot drye hecken, drye paer gehenge ende totter averste poirten II C III veerdel doirnagell costen XVI stuver, maect myns

genedigen heren deell VIII stuver.

Item een nye spille daer die averste poirt op gheet, woech XXVI pont ende enen bant umme die poirt, woech XVI pont, cost te

samen 1 ryns gulden XIJ stuver, maect myns genedigen heren deell XV stuver III ortken.

Item een nye Busse in een laey gebonden ende staetingen/staemergen totter anderen bussen, costen te samen XVIII stuver,

maect myns genedige heren deell IX stuver.

Item totter nederster poirten te plencken gehadt II C doirnagell, costen VI stuver, maect myns genedige heren deell III stuver.

Item noch gehadt J C lasnagell, I C spondnagell ende V C staecknagell costem XII stuver, maect myns genedige heren deell VI stuver.

Item totten doeren aen en stakaet totter wintmoelen gehadt V veerdell spykernagell ende I C lasnagell costen VIIIIJ stuver, maect

myns genedige heren deell IIII stuver III ortken.

Item onder die Coecken een tralije, woech XX pont cost XV stuver.

Item die ru(i)ter hebben gehadt LII hoeffyser ad LII vleemsch maecken 1 ryns gulden XVIIII stuver maect myns genedighen heren

deell XVIIII stuverII ortken.

Item totten kast in der coecken die in der mueren gemaect is twe gehengeeen slot ende II sloetell cost tsamen VI stuver.

Summa V ryns gulden II stuver II ortken.

 

[afbeelding 0001-1594_011]

 

Item dat slot voir die coecken aff gebraeken ende vermaect ende twe sloetell daer toe, costen III stuver.

Item enen sloetell totter buttelrijen ende enen sloetell tot enen sluyster aen den achtersten stall ende een splinter vermaect,

kost II stuver.

Item aen der veteren voir den stalle, dat cluyser vermaect ende enen sloetell daer toe cost 1 stuver II ortken.

Item noch tot drije scluysteren III sloetell ende een splinter gemaect, kost 1 stuver II ortken.

Item een cluyster aen der averster brugge vermaect ende enen sloetell totten groeten cluyster aen der nederster bruggen ende

een groet cluyster voir die wintmoelen, cost VIstuver maect mijns genedige heren deell III stuver.

Item dat groet slot aen der nederster poirten aff gebraecken ende vermaect cost IJ stuver, maect myns genedige heren deell III

ortken.

Item totten groeten cluyster dat op ten dyck hengt een sloep gemaect ende enen sloetell cost IJ stuver, maect myns genedige

heren deell III ortken.

Item baeven die sadell (zaal) enen sloetell gemaect tot enen sloet dat aff gebraecken ende weder aen geslagen, cost 1 stuver.

Summa XIII stuver II ortken.

 

Item soe bleeff mij myn lieve genedige here in mijnre lester rekeningen sculdich IX C XIX (919) ryns gulden X stuver III ortken XXIIIJ kr.

Summa per se.

 

Summa summarum van alle uitgeven voirscr. compt te samen op XVII C LI ryns gulden XVI stuver IJ oirtken XXIIIJ kr(omstert).

 

Up ende aff geslagen dat opboeren tegen dat uitgeven, soe beloept dat uitgeven meer dan dat upboeren XIII C VI ryns gulden XVII

stuver IJ ortken XXIIIJ kr.