land van Kessel - inv. 1595 - rekeningen Dericks van der Horst 1460/1461
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1595
[afbeelding 0001-1595_001 + 002]
[1460/1461]
Dit is rekeninghe ende bewijsinghe mijns Dericks van der Horst, Amptman stlantz van Kessell ende ter Horst van allen upboeren
ende uytgeven, dat ick van wegen myns lieven genedigen heren, hertoghe van Gelre ende van Gulich ende Graeff van Zutphen
opgeboirt ende uytgegeven hebbe aengaende op onser lieuver vrouwen dach Annunciatio in den jair ons heren dusent CCCC LX
(1460) LVII ende uytgaende op onser lieuver vrouwen dach Annunciatio in den jaeren van LXI (1461).
Item soe ist to weten dat in opboeren ende uytgeven ter Horst mynen genedige here, die heelfft gerekent wordt. Soe die synen
gnade aengait.
Primo van den renthen van der Horst
Item an pacht van der Jofferen van Mierlair van oeren guede tot Oesterick, daer sy op woent, geboir V vaet rogghen
Item van Eijgenmans kinderen van oeren guede tot Weuoirt geboirt III malder III vaet roggen
Item van Jacop Messen guet achter der kercke geboirt I malder roggen
Item van der nijer tienden geboirt VII malder III vait rogge
Item van pacht to Berchem aen der moelen to Sevenhem geboirt II malder II vait rogge
Item van den moelenen geboirt LXX malder rogge
Summa LXXXV malder I vait rogge, tmalder gerekentvoir VI vait.
Item der roggen goet aff aen Gadert van Vlodorp beduyrsticker, die hy jairlix uyten moelen heeft geldende, VI malder roggen.
Item dan vier ordenen van alder gewoente op de moelenen gegeven IIII vait rogge.
Item als dese VI malder ende IIII vait rogge van der voirgen(oemde) summen affgetoegen sijn, soe blyfft des roggen noch LXXVIII
malder III vait roggen.
Summa per se 4 vz h nichil (?)
[afbeelding 0001-1595_003]
Item ommetrent sente Remeyssmysse, dede ick des roggen verkoepen XXVI malder ad I ryns gulden 1 stuver, maickt XXVII ryns
gulden VI stuver, den gulden ad XX stuver ende soe voirt dese rekenschapp vyt.
Item omtrent Kerssmysse dede ick des rogge verkoepen XXVIII MV ryns gulden IIII stuver.
Item soe blyfft des roggen noch XXIIII malder III vait, den ick hebbe doin verkoepen, tmalder ad XVII stuver, maickt XX ryns gulden
XVIJ stuver.
Item van den moelenen geboirt XXIIII malder malts, tmalder ad XVI stuver, maickt XIX ryns gulden IIII stuver.
Item van den moelenen geboirt VIII malder III vait boickweets, tmalder ad XII stuver, maickt V rynse gulden II stuver.
Item van pacht geboirt I malder V vait evenen ende tot Oerloe van weyevenen III malder 1 vait tsamen V malder evenen, tmalder
ad VIIJ stuver, maickt 1 ryns gulden XVIIJ stuver
Item van eenen ponde vlassch geboirt 1 stuver.
Item van tijnse geboirt XXI rynse gulden, des geet aff, die myn genedige here den gasthuyss gegeven, heefft VI alder boddreger,
soe blivet XX rynse gulden XIII stuver IJ oirtken.
Item van der assysen geboirt IX rynse gulden.
Item geboirt LIIJ capuyn ad 1 stuver, maickt II rynse gulden XIIJ stuver.
Item geboirt XLII huenre ende tot Swolgen XII weyhuenre tsamen LIII huenre, tstuck ad J stuver, maickt 1 ryns gulden VII stuver.
Summa lateris I C XXXIII rynse gulden III stuver IIIJ oirtken.
Upboeren van gewynne ende van broecken ther Horst
Item van Johan Cuijper aen smaelbruggh van gewynne geboirt I ryns gulden
Item van Pouwels sHogen in Meldersloe velde van gewynne geboirt III ryns gulden V stuver
Item Thys Eygenmans hadd gemeynt aengegraven, gecomponiert by raet der scepenen myt IIII rynse gulden, maickt myns heren
deel II ryns gulden.
Item Jan van Schadick hadd guet aengevangen, dat syn nyet en was, gecomponiert by raidt der scepenen myt XXXII rynse gulden,
maickt myns heren deel XVI ryns gulden.
Upboeren in den lande van Kessell.
Primo Kessell ende Helden:
Item Thijsken die bade van eynre vrouwe van Kessell van gewynne geboirt IIJ rynse gulden
Item van Thijs Welters van gewynne geboirt VI rynse gulden
Item van Jan van Aonstoit ende Segher Borchkamp van oirdelgelde geboirt twie V mck (?) valet II rynse gulden VJ stuver.
Item van Thys Welters ende van Gerit Schraimetzer van erfftalen geboirt twie V mck (?) valet II rynse gulden VJ stuver.
Item Soemerman hadd woirde op eynen scepen gehadt, dair omme die lantscepenen tot Kessell vergadert woirden ende hij wairt
broekich gewesen, der broeke en waeren die scepenen nyet wijs, soe en konde Soemerman dat oirdell nyet verborgen ende en
dorst des rechts nyet verwachten, gecomponiert bij raedt der scepenen myt I C rynse gulden.
Summa lateris valet I C XXXV rynse gulden ende VI stuver.
[afbeelding 0001-1595_004]
Brede [Maasbree]
Item van Jentken Schoemeker van nyen erve geboirt 1 rynse gulden XV stuver
Item Peter van Raede van gewynne geboirt XIX stuver
Item van Aleyt Custers van gewynne geboirt V stuver
Item van Jan ende Derick Tymmerman gebroederen ven gevech geboirt twie V mck (?) valet II rynse gulden V stuver II oirtken.
Item Harman Pelsters (?) dochter hadd eenen man gedreigt, gecomponiert by raidt der scepenen mijt VI rynse gulden.
Item Peter Aichte van gevecht V mck (?) valet I rynse gulden II stuver IIJ oirtken.
Item Gerit Noyen hadd rueben geplukt, die syn nyet en waeren, gecomponiert by raidt der scepenen myt V rynse gulden.
Item van Peter Aichte guede geboirt V malder rogge, tmalder ad 1 ryder gulden, maickt IIII rynse gulden VIIJ stuver.
Item van der nyer thienden geboirt IIJ malder roggen ad I ryder gulden, maickt II rynse gulden III stuver III oirtken.
Item Wolter Smytt hadd in die gemeynt van Sevenhem gepant, gecomponiert by raidt der scepenen myt XVII rynse gulden.
Item Brant van Brede hadde eenen doitslaich gedain, gecomponiert myt IIJ C rynse gulden.
Summa lateris valet II C ende XC [290] rynse gulden XIX stuver.
Blerick
Item Heyn Poet die Jonghe van eerfftalen V mck (?) valet I rynse gulden II stuver III oirtken.
Item Goedert van der Saelstatt van gevecht III V mck (?) valet III rynse gulden VIII stuver I oirtken.
Item Gerit Bruyns van gevecht V mck (?) valet I rynse gulden II stuver III oirtken.
Item van der nyer theende geboirt IJ malder rogg, tmalder ad 1 ryder gulden, maickt 1 rynse gulden VI stuver I oirtken.
Sevenhem
Item van Lenart Cort Goessenss(oen) ende van Gertruydt van den Oever van erfftalen twie V mck (?) valet II rynse gulden VJ stuver.
Item Claes van Meerle van eerfftalen drij werff V mck (?) valet III rynse gulden VIII stuver 1 oirtken.
Item Lenart van Meerle ende Jentken Borwater van erfftalen twie V mck (?) valet II rynse gulden V stuver IJ oirtken.
Item Jentken van der Eertbrugge V mck (?) valet I rynse gulden IJ stuver IIJ oirtken.
Item Wilhemkens wyff van den Driess ende syne dochter waeren beruchticht, dat sy in der veeden, heymelick to Venle plagen to
loepen ende omme dat Wilhemken synen son, tot Venlo woenende, gehuyst ende gehaifft hadde, gecomponiert by raidt der scepenen
mit XL rynse gulden.
Summa lateris valet LVI rynse gulden ende II stuver.
[afbeelding 0001-1595_005]
Swolgen
Item van Derick Luytkens van eerfftalen geboirt twie V mck (?) valet II rynse gulden V stuver IJ oirtken.
Item to Broickhusen vorst van nyen tijnse geboirt 1 stuver III oirtken.
Wanssem
Item Neese van der Hatert van eerfftalen V mck (?) valet I rynse gulden II stuver IIJ oirtken.
Item Peter Rostken was beruchticht van suysteren saken, gecomponiert by raidt der schepenen myt XVIII rynse gulden.
Item Lysbet van der Hatert van eerfftalen V mck (?) valet I rynse gulden II stuver IIJ oirtken.
Raede [Venray]
Item soe Jan van den Poell een was van den soven, die ut gehalden woirden, doe myn genedihe here to Raide was, gecomponiert
myt CXXV rynse gulden, dair aff twelff knahte, gegeven ellick 1 clinckert, maickt IX rynse gulden ende hy steet ter Horst dry weken in
den stock, vertheerde III clinckert, maickt II rynse gulden V stuver ende als dese XI gulden ende V stuver affgetoegen sijn, soe blivetI
C XIII rynse gulden XV stuver.
Item die wesen (?) van Raide was eyn van den soeven, die uytgehalden woirden, gecomponiert by raide der scepenen myt LXVII
rynse gulden X stuver.
Summa lateris valet II C III gulden XVII stuver III oirtken stuver.
Summa summarum van allen opboeren voirscr. beloipt ts uytwijsinge der parte VIII C XIX rynse gulden VIII stuver J oirtken.
Dit is uytgeven myns Dericks van der Horst, ampt(man) etc dat ick van wege myns lieven genedige heren van Gelre ende van Gulick
etc. uytgegeven hebbe bennen deser voirg. tijt.
Item my gened. here geefft my jairlix van mynen Ampt te verwaeren ende van des huyss gehaldtz wege I C rynse gulden.
Item soe geefft myn genedige lieve here van den gelde dat ick van synre genade wege geworven hebbe ende Arnt (den Wilden?) van
Mersen gegeven ende uyte Ampte geloest nae uytwijsinge myns Amptzbrief I C LII rynsegulden XVII stuver.
Item myn genedige lieven here geefft my oick jairlix van den scholtz ampt te verwaeren L rynse gulden.
Item voir myn rouw voeder X rynse gulden
Item tot mynen perden jairlix LX malder haveren tmalder VIIJ stuver maackt XXII rynse gulden X stuver
Item voir mynen brant IX rynse gulden
Item de poerter voir sinen kost ende loen XXI rynse gulden
Item den moelenervoir synen kost ende loen XI rynse gulden
Item die wyntmoelen all nye geseylt, dair toe gehadt, tot mymem gened. lieve heren deel XL ellen groff lynnen doicks, die elle ad IJ vlems
maickt II rynse gulden III stuver
Item voir lynen tot den zeylen gegeven IIJ stuver
Item voir myspelboemen holt totten kammen ende steven op den moelenen gegeven XV stuver.
Item voir II rutsell schinen gegeven V stuver
Item voir eyn lassch aen der roeden van der wyntmoelen gegeven IIIIJ stuver
Item vier greveren hebben aen der archen gegraven II daghe, hadden ellick sdaichs aen cost II stuver, maickt XVI stuver
Item voir heckscheiden gegeven IV stuver
Summa lateris valet III C LXXX rynse gulden ende XVII stuver.
[afbeelding 0001-1595_006]
Uytgeven aen kost ende p(ro)vanden als myn genedige lieve heren ter Horst as geweest.
Item des manendaichs nae Pinxt dach quamen myns heren genade ter Horst myt omtrent I C perden, verdede daer nae yutwijsinge des
koekeboix X rynse gulden IIIIJ stuver.
Item des saterdaichs op sent Andriesavont quam myn lieue gen. here ter Horst, bleyff dair bis des saterdaichs daer en bynnen.
Item des saterdaichs op sent Andriesavont quam myn lieue gen. here mytt ommetrent XXIIII perden van den Grave ter Horst,bleyff dair
bis des manendaichs dair nae ende reet doe voirt tot Gelre, daer en blyven in allen Ampte nae inhalt des koekeboix, verdaen XIIII rynse
gulden II oirtken stuver.
Item des dinxdaichs nae sente Lucien daghe quam myn lieve gen. here van Gelre ter Horst myt omtrent XXII perden, bleyff dair bis des
saterdaichs daer en bynnen in allen ampte nae inhalt des koekeboix verdaen XVI rynse gulden XVII stuver III oirtken.
Item des sonnendaichs nae derthiendach quam myn lieve gen. here ter Horst,bleyff dair bis des saterdaichs dair ende bynnen in allen
ampte nae inhalt des koekeboix verdaen XXXV rynse gulden IIIIJ stuver.
Item des dinxdaichs nae sente Pouwels dach Conversio, quam myn lieve gen. here van den Grave ter Horst myt omtrent XV perden,
bleyff dair VIII nachtende reet weder to Graeff, daer en bynnen in allen Ampte nae inhalt des koekenboix verdaen XXVIII rynse gulden.
Item des dinxdaichs nae den Sonnendaghe Reminiscere quam myn lieve gen. here myt omtrent XXIII perden van Goch ter Horst ende
bleyff dair bis des manesdaichs na den sonnendaghe Oculi, reet doe voert tot Gelre, die tijt is VI nacht, dair en bynnen in allen ampte
nae inhalt des koekenboix verdaen XXVII rynse gulden XIX stuver 1 oirtken.
Summa lateris I C XXXII rynse gulden ende VIJ stuver.
Vytgeven aen teringen als ick vanwege myns gen. lieve heren gereden ben geweest.
Item soe ist te weten, als ick in mynre lester rekeninge nyet gerekent en hebbe, dat ick van wege myns lieue gen. here gereden ben
geweest van Kerssmisse tot onser lieve Vrouwen dach Annunciatio gelyck hijr nae beschreven volgt:
Item des guensdaichs na sente Agnete daghe, reet ick to Graeff na des Coeninx Rait van Ffrankryck ende van Schottlant myt III perden,
blyff dair by oen IIII nacht, reet voirt myt den selven ridderen na myns here gnade tArnhem, bleyff dair III naht, ende vandair tot Nymegen,
dair wairt icj gequijt, soe rekene ick myns here genader VII nacht, maickt VII rynse gulden XVIIJ stuver.
Item des dinxdaichs op sente Gregorius avont reet ick van beveel myns gen. here myt myne gen. here to Graeff myt III perden,bleyff
dair VII nacht, maickt VII rynse gulden XVIIJ stuver.
Itm des dinxdaichs na sente Gregorius daghe sand my myn gen. here tot Kessell myt Jan van Gelre, Johan van Egmont ende voirt
an der ru(i)teren, omme die van Ruremunde oir ducken où beligen,was eyne nacht ter Horst, daer van en rekene ick nyet dan ick
dede den ru(i)teren IIIJ malder haveren costen II rynse gulden V stuver.
Item ten selven mael reet ick voirt mytte ru(i)teren tot Maesheese myt V peerden, 1 nacht, verdede 1 rynse gulden X stuver.
Item des doinredaichs na sente Gertrude dach quam ick weder tot Graeff na myns here gen. myt III perden, bleyff aldair IIII nacht
ende des sonnendaichs op Halffasten sand my myn gen. here voirt to Nymegen, bleyff dair 1 nacht myt III perden ende reet voirt
tArnhem, bleyff dair bis op den Palm dach, die tijt maickt tsamen XII nacht 1 fl XIIII rynse gulde XIIJ stuver.
Item doe sand my myn gen. here weder tot Nymegen op den Palm dach, bleyff dair II nacht myt III perden,maickt II rynse gulden V stuver.
Item sdinxdaichs nae Palm dach, reet ick van Nymegen to Graeff na mynen gen. here bleyff dair bis des sondaichs nae Belaken
Paeschen, die tyt maickt XIX nacht myt III perden, maickt XXI rynse gulden VIIJ stuver.
Item des sondichs na Belaken Paeschen reet ick ter Horst ende in der selven nacht sand my myns here gnade eenen bade, dat ick
terstont weder tot Graeff queem, reet aldair, was dair II nacht myt III perden, maickt II rynse gulden V stuver.
Summa lateris valet LX rynse gulden.
[afbeelding 0001-1595_007]
vacat
Item op den Meyavont sand my myn gen. here weder ter Horst omme dat die Ru(i)ter weder tot Vnlo gekoemen waere, was dair III
nacht, dair van ende rekene ick nyet ende des sonnendaichs nae des heilge Cruys dach, reet ick weder tot Grave tot mynen gen,
here, bleyff dair bis des dinxdaichs nae sent Servaes dach, die tijt as IX nacht myt III peerden, maickt X rynse gulden IIJ stuver.
Item des sonnendaichs nae sent Servaes dagh reet ick weder van der Horst tot Graeff tot myne genedige here mytte ritteren wt
Ffranckrijck, was daer II nacht, myt III perden, maickt II rynse gulden V stuver.
Item soe ick mytte selven ritteren van beveel myn gen. libe heren voirt in Ffranckrijck na den Coeninck reet ende langhe uyt bliven
moist, verdede ick meer dan my myns lieve gnade tot teergelde myt gegeven ende na gesant hadden LX Croenen, maickt LXXIIIJ rynse gulden.
Item des guensdaichs na onser liev vrouwen daghe Assumptio, reet ick van der Horst tot Graeff, na mynen gen. here mytter antwordt
ut Ffranckrijck, was II nacht to Graeff, reet voirt tArnhem na mynen gen.heren, was to samen ut V nacht myt III perden, maickt V rynse
gulden XIIJ stuver.
Item des manendaichs nae sent Johans dach Decollatio, was ick gereden tot Aernhem tot myns heren gen. van myns gen. here
sunderlinge beveel, was uut V nacht myt III perden, maickt V rynse gulden XIIJ stuver.
Item p(er) lit(eram) do(mini) tsaderdaichs op sent Matheus avont reet ick na myns heren gnade mytte burgemeyster van Ludick, was
uut VII nacht myt III perden, maickt VII rynse gulden XVIIJ stuver.
Item des doinredaichs doe men den Coeninck van Schottlant gebaen solde, reet ick van der Horst tot tArnhem, tot mynen gen. here,
beyff tot Nymegen omme sunderlinge saken wille, was uut IIII nacht myt III perden, maickt IIIIJ rynse gulden.
Item p(er) lit(eram) do(mini) sdoinredaichs nae sent Symon Juden dach reet ick tot Graeff tot myns heren genade, doe des Coeninxheralt
van Ffranckrijck dair was, bleyff dair IIII nacht,maickt IIIIJ rynse gulden.
Item p(er) lit(eram) do(mini) smanedaichs na sent Andries dach reet ick tot mynen gen. here van der Horst tot Gelre myt III perden,
bleyff dair bis des dinxdaichs na sente Lucien dach, die tijt is XV nacht, maickt XVI rynse gulden XVIIJ stuver.
Item van beveel myns gen. here op den Kerssavont reet ick tot Graeff tot myns heren gnaden myt III perden, bleyff dair bis des
sonnendaichs nae derthien dach, die tyt is XVIII daghe, maickt XX rynse gulden V stuver.
Summa lateris I C LI rynse gulden ende IIJ stuver.
Item des saterdaichs dair nae reet ick myt mynen gen. here van der Horst tot Grave myt III perden, bleyff dair bis des dinxdaichs nae
sente Pouwels dach, die tijt is X nacht, maickt XJ rynse gulden v Stuver.
Item p(er) lit(eram) do(mini) sguensdaichs nae sent Valentijns dach reet ick tot Graeff tot mynen gen, here ende voirt tot Goch myt III
perden, bleyff dair bis des dinxdaichs nae den sonnendaghe Reminiscere, reet doe voirt mt myn gen. here ter Horst, die tijt is XIX nacht,
maickt XXI rynse gulden VIIJ stuver.
Item des manendaichs nae den Sonnendaghe Oculi, reet ick myt myns here gnade to Gelre myt III perden, bleyff dair wes des
vrijdaichs, die tijt is IIII nacht, maickt IIIIJ ryns gulden.
Item des manendaichs nae den sonnendaghe Letare, reet ick van der Horst tot Grave to mijnen gen. here omme der wille van Venlo,
was uut eyn nacht, maickt 1 rynse gulden IIJ stuver.
Uytgeven den badeloin
Item op sente Lambertz dach and ick eenen bade van wege myns here gen. van Kessell tot Wassenberch, date II stuver 1 oirtken.
Item des sondaichs nae sente Dionys dach sande ick eenen bade van Gelre tot Oirdingen (Urdingen) date III stuver.
Item des sonnendaichs na sente Lenartz dach sande ick eenen bade tot Grave, tot mynen gen. here, date V stuver.
Item des sonnendaichs na sente Mertijns dach noch eenen bade van der Horst tot Graeff gesant tot myns here gen. date V stuver.
Item des doinredaichs nae sente Elysabeth dach noch eenen bade van der Horst tot Graeff gesant tot myns here gen., date V stuver.
Item des saterdaichs op sente Cecilien dach sande ick eenen knecht myt eenen perde van de Horst to Grave tot myns here gen.,
was uut II nacht, date X stuver.
Item des maendaichs op sente Katherinen aevont, sande ick noch eenen bade van der Horst tot Graeff tot mynen gen. here, date V stuver.
Summa lateris XL rynse gulden ende 1 oirtken stuver.
[afbeelding 0001-1595_008]
Vytgeven van alreleye anderen saken
Item ick hebb van Nolte van Kueringen gegeven voir 1 pert, datt ick van wegen myns gen. here burghe voir was, betailt LXX rynse gulden.
Item p(er) lit(eram) do(mini) Johannes Gobelinus knecht was tot eenen perde gegeven XXV rynse gulden.
Item soe hebb ick van wege myns gen. here to Zutphe II perde verleyst, die ick weder loeste voir XXVI rynse gulden.
Summa lateris valet I C XXI rynse gulden.
Vytgeven van tymmeringe
Item twee tymmerlude hebben getymmert XL daghe, maickt myns gen. here deel XX daghe, eyn nye stakett in dat voirboirgt, eyn nye
waikhuyss gemaickt, hebn die oeverste valbrugge nye gemaackt, eyn nye brugge aent vonderen ende die poert eyndeils toe gemaickt,
den sulre op der koeken verdreven, aen der aarchen gestopy ende ander cleyn werck gemaickt hebben, haddenellicks daichs to loen
II stuver ende aen cost II stuver, maickt VIII rynse gulden.
Item die watermoelen nye geklotst ende gesaelt, dat grontwerck aen der aerchen op gebrocke ende gemaickt eyn nye bedde onder
den steen, eyn nye cuyp ende eyn nye moelenraet, hebbe ick tsamen verdingt to maken voir XI rynse gulden, den gulden ad XIX
stuver, maickt myns gen. here deel V rynse gulden IIIIJ stuver.
Item twee holtsnieder hebn holt gesneden tot deser tymmeringh X daghe, maickt myns gen. here deel v daghe, hadn ellick sdaichs
to loen II stuver ende aen kost II stuver, maickt II ryns gulden.
Item eyn stroedecker heefft gedeckt X daghe,maickt myns gen. heren deel V daghe, op der Rossmoelen ende watermoelen ende
dat waickhuyss nye gedeckt, op den stallen ende schueren gestopt, hadd sdaichs to loen II stuver ende aen kost II suver, maickt I
rynse gulden.
Item syn opperknecht hadd sdaichs to loen I stuver ende aen cost II suver, maickt XV stuver.
Item hyr toe gehadt XXII vymmen schoeve, maickt myns heren deel XI vymmen, die vymme ad V stuver, maickt II ryns gulden XV stuver.
Item noch voir I C staeke gegeven X stuver, maickt myn gen. here deel V stuver.
Summa lateris valet XXI rynse gulden ende II stuvers.
[afbeelding 0001-1595_009 + 010]
Vytgeven van yseren werck
Item totte moelenen gehadt VII (honderd?) spijkernagel, VIII billen gesteelt ende IIII mynre billen, coste tsamen XXV vlems, maickt
myns gen. heren deel VIII stuver III oirtken.
Item totter brugge gehadt II C spijkernegell, II verdell lassnegel, V verdell spondnagell, II bande gelengt, V nye bande, die peelen
gesteelt ende 1 nye Clam, cost tsamen XXV vlems, maickt myns gen. here deel VIII stuver III oirtken.
Item eenen bant omme die busse, inder watermoele II bande, sie spille gelengt ende gesteelt ende dat rustsell gebonden, cost
tsamen XLVIII vlems, maickt myns gen. heren deel XVI stuver IIIJ oirtken.
Item tot des rossmoelen IIII gehenghe, eenen halven maen, eenen doirhaick, I C J vierdell groete lassnegell, II C I vierdel
spijkernegell, cost tsamen XL vlems, maickt myns gen. heren deell XIIII stuver I oirtken.
Item eenen bolt in die rossmoelen, 1 gort, dat rutsell gebonden VI verdel spondnagell, IX C lattnagell, costen tsamen XXX vlems,
maickt myns gen. heren deel X stuver III oirtken.
Item die schakelen in die treckhamen in die rossmoelen IX verdel spijkernagell ende totter vloitarck, V verdel spijkernagel ende
totter moelenarch nye vermaick, gehadt V C dobbell lassnegell, coste tsamen II ryns gulden XXV vlems, maickt myns gen. heren
deel I ryns gulden VIII stuver III oirtken.
Item totter watermoelen II C spondnagell, I C staecknagel ende totter stakaet omme den voirborgt V C groeten lassnagel costen
tsamen II ryns gulden XII vlems, maickt myns gen. heren deel I ryns gulden IIII stuver III oirtken.
Item die spille op der wyntmoelen versteelt, III C hecknagel, I verdel stoecknagel ende III ancker dair tspeck aen hengt, cost
tesamen XXIIII vlems, maickt myns gen. heren deel IX stuver.
Item XVI yseren pynne op den valden (valderen?) VII C staecnagel, J C spijkernagel, J verdel lassnagel totter nyer porten ende
tot den sulre boeven der koeken II C sulre nagel endeaent backhuys 1 verdell groeten lassnagel, cost tsamen XLII vlems, maickt
myns gen. heren deel XV stuver.
Item totter verkensschott ende koestall I C spijkernagell, IIJ verdel spondnagel ende II gehenghe, II eymer op der oeverster
brugghe, gebonden cost tsamen XII vlems, maickt myns gen. hren deel IIII stuver I oirtken.
Summa lateris VII ryns gulden V stuver ende J oirtken
Item II muyrer, hebn die rinckemuyr (ringmuur) omme thuys all nye ondervaeren, hebbendair over gemuyrt XXIIII daghe, maackt
myns gen. heren deel XII daghe, hadden ellick sdaichs to loen IIJ stuver ende aen kost II stuver, maickt V rynse gulden VIII stuver.
Item oir opperknecht sdaichs to loen V oirtken ende aen cost II stuver, maickt I rynse gulden XIX stuver.
Item hyr toe gehadt III C mergelsteyns, III clinckert, I M tiegelsteyns ad I rynse gulden, maickt myns gen. heren deel I rynse
gulden XIIJ stuver.
Item die ander steyn, die dair toe verdaen sijn, die sijn van Dericks huse van Blitterswick coemen, soe en rekene ick dair nyet aff.
Item hijr toe gehadt IIII mudde calcx IIII clinkert, maickt myns gen. heren deel I gulden X stuver.
Summa lateris valet X ryns gulden X stuver.
Summa summarum van allen vytgeven voirscr. beloupt tsamen IX C XXIIII ryns gulden II stuver IIIJ oirtken stuveren.