land van Kessel - inv. 1598 - rekeningen Dericks van der Horst 1461
transcriptie door: Rien van den Brand
niet gekontroleerd
geplaatst met toestemming van Rien van den Brand anno okt. 2013
Bron: geldersarchief.nl
toegang 001 Graven en hertogen van Gelre
financieel beheer – rekeningen – rekeningen overkwartier
8 ambtman en scholt van het land van Kessel en (ter) Horst (inv. nrs. 1576-1602)
inv. nr. 1598
[afbeelding 0001-1598_001 + 002]
CONCEPT [25 maart - 13 juli 1461]
Dit is rekeninge ende bewisinghe myns Dericks van der Horst, Amptman stlants van Kessell ende ter Horst van allen upboeren
ende uitgeven, dat ick van wegen myns lieuen genedighen heren van Gelre ende van Gulick ende Greve van Sutphen upgeboirt
ende uitgegeven hebbe angaende op onser lieuver vrouwen dach Annunciatio in den jair onss heren XIIII C en LXI (1461) ende
uitgaende op sunte Margareten dach in den selven jaer, die tyt is een veerdel jaers ende III weken.
Primo ter Horst
Item aldaer van den molenen geboirt XVIIII malder rogge,
tmalder ad XVI stuver, maickt XV rynse gulden IIII stuver
Item VI malder malts, tmalder ad xv stuver maect IIII ryns gulden X stuver
Item II malder boeckweits, tmalder ad XII stuver, maect I rynse gulden IIII stuver.
Item van Jacob Ludincks suster van erfftalen geboirt X stuver
Item van Heynken Cuper van Bekermans guede van gewynne geboirt I rynse gulden
Item van Claes Spijkermans in den Hegelsemer velde van gewynne geboirt 1 rynse gulden XV stuver
Item Derick die Molner had my woirde toe gesacht, der hij my niet en hielde, daer ick hinder bij had, gecomponiert by raet der
scepenen myt XII rynse gulden, maect myns gen. here deell VI rynse gulden
Summa lateris XXX ryns gulden III stuver.
[afbeelding 0001-1598_003]
Kessell ende Helden
Item Gadert van Holtmoelen had syn naebueren van eynen eerffpaet gekeert ende oir beesten op die gemeynt geschut,
gecomponiert by raet der schepenen myt XLV rynse gulden.
Item van Jan Molner van Ruermunde van gewynne geboirt IIII rynse gulden VII stuver II ortken
Item van Gerit Metten van gewynne geboirt VI stuver
Item tot Helden van nyen tijnse geboirt I rynse gulden
Item van Claes van Byereggen van gevecht V mck (?) valet I rynse gulden II stuver III oirtken.
Summa LI ryns gulden XVI stuver I ortken.
Baerle nyet geboirt
Brede ende Blederick
Item Peter Aechten ende Thijs Cluyt hadden enen doetslach gedaen, geboirt van Peters gereder haven XX rynse gulden.
Item van Thys gereder haven geboert X rynse gulden
Item tot Brede van nyen tynse geboirt XIIII stuver I oirtken
Item tot Blederick van Michiel Roesen loet hoyt ende Lysken Lyntsen umme dat sy nyet gewaeckt en hadden, geboirt twie V mck
(?) valet II rynse gulden V stuver II oirtken.
Summa lateris valet XXXII rynse gulden XVIIII stuver III ortken.
Seuenhem
Item aldair van nyen tijnse geboirt I rynse gulden
Item van twe morgen lants, die Claes van Meerle vercocht had to gewynne geboirt IIII rynse gulden.
Item van Johan van Nijdeggen ende Johan den Groete van gevecht geboirt twie V mck (?) valet II rynse gulden V stuver II ortken.
Item van Coinraets knaep Ingeen Holt van gevecht V mck (?) valet I rynse gulden II stuver III oirtken
Item Trijn Wittmekers ende Jennesken Schomekers van erfftalen twie V mck (?) valet II rynse gulden V stuver II ortken.
Item Wilhem Moelner end Claes Weiden van eerfftalen twie V mck (?) valet II rynse gulden V stuver II oirtken.
Item Reynker Wever van erfftalen twye V mck (?) valet II rynse gulden V stuver II oirtken.
Summa XV rynse gulden IIII stuver III ortken
Swolgen Lotthem
Item Jenken op ten Berge had den van Broickhusen byer bij ge vuert in der Venlescher beden, gecomponiert myt XX rynse gulden.
Item van den van Lotthem omme dat sy in der beden voir Venle nyet uyt en dorfften trecken, geboirt XXV rynse gulden.
Item in der selver maeten van hon geboirt XX malder haveren, tmalder ad X stuver, maickt X rynse gulden.
Item van den laeten tot Lotthem van ordelgelde, dat Gerit van Sceelberge onder oen liggende had, geboirt VIII rynse gulden.
Item van den selven Gerit vn Scheelberge ende van Derick van der Weyen van erfftalen twye V mck (?) maickt II gulden V
stuver II ortken.
Item van der abdissen renthen van Nuyss, die myn gen. here jairlicks daer uit geldende heefft gboert X stuver.
Summa lateris LXV rynse gulden XV stuver II ortken.
[afbeelding 0001-1598_004]
Wanssem
Item Peter van Scheelbergh was beruchticht van duysteren saecken ende wairt daer omme vluchtich, gecomponiert by raet
der scepenen myt XII rynse gulden.
Item van des selven Peters guede geboirt XIJ malder rogge, tmalder ad I rynse gulden maect XI rynse gulden X stuver.
Item XII malder evenen, tmalder ad VIIJ stuver, maickt IIII rynse gulden X stuver.
Item VIII malder boeckweyts, tmalder ad XI stuver, maect IIII rynse gulden VIII stuver.
Item sijn schaep, sijn bijen ende twe cleyne pertken verkocht tsamen voir XVI rijnse gulden.
Summa XLVIII rynse gulden VIII stuver
Raede
Item Heyn van Dans had Johan Bosshuys in sinen huse gesocht ende geslagen, was daer van vluchtich woirden, gecomponiert
by raet der scepenen myt XXVI rynse gulden.
Item Peter van Loebick was een van den VII, die tot Raede uit gehalden woirden, doe myn genedige here mytten ruteren daer
was, gecomponiert by raet der scepenen myt XI rynse gulden.
Item Peter Bants was deser oick een, gecomponiert by raet der scepenen myt V rynse gulden VII stuver.
Item Peter Goedertz was des oick eyn, gecomponiert by raet der schepenen myt VIII rynse gulden.
Item Heyn Belen was deser oick een, den hebben myns here genaede tot Ruremunde quijt gegeven, soe en rekene ick dair
nyet aff.
Summa lateris valet L rynse gulden VII stuver.
Ypboeren van den Venleschen guederen, dat ick nu in deser lester Venlescher beden opgeboirt heb.
Primo ter Horst
Item van Derick Raeymeker geboirt VI malder II vaet roggen, tmalder ad XVIIJ stuver maect V ryns gulden X stuver IIIJ ortken
Item van Reynken Smeet geboirt IIII malder roggen, vercocht voir III ryns gulden X stuver.
Item van Art van der Stegen geboirt VIII malder rogge, vercocht voir VII ryns gulden.
Item van Johan van den Broick geboirt II malder rogghen vercocht voir I Ryns gulden XV stuver.
Item van Henrick Stampert geboirt XVIII ryns gulden
Item van Willem van der Beeck geboirt XXVI ryns gulden V stuver.
Summa LXII ryns gulden IIIJ ortken.
Seuenhem
Item tot Seuenhem heefft Floris van Meerlair van mynen weghen van enen manne geboirt VII ryns gulden.
Item van Symon Hagen geboirt VI malder rogge, tmalder ad XVII stuver, maect V ryns gulden II stuver.
Item van Peter van der Cruysstock geboirt VI malder rogge, tmalder ad XVII stuver, maect V ryns gulden II stuver.
Summa XVII rijns gulden IIII stuver.
[afbeelding 0001-1598_005]
Kessell ende Helden
Item van Johan Walbeirhs have van sinen beesten geboirt XIIII ryns gulden
Item van Johan Rutten van rogge, den hy tot Venle sculdich was, geboirt VIII ryns gulden.
Item van sinen naebueren van IIII malder rogghen, die hy tot Venle sculdich was, geboirt III ryns gulden.
Item noch van Johan Rutten geboirt IIII vaet roggen ende van enen sinen naebuer II malder III vaet roggen, tsamen III malder I
vaet rogghen, dair voir geboirt II ryns gulden XIII stuver.
Item op ten have egen blen (?) van den halffwynne voir I peert, I koe, twee schaep ende 1 vercken geboirt VII ryns gulden.
Item van Symon van Ynckevoirt geboirt VII ryns gulden X stuver.
Item van den selven Symon geboirt IIII malder rogge, tmalder ad XVII stuver, maect III ryns gulden VIII stuver.
Item van Claes van Byeregghen geboirt XII ryder gulden, maecken X ryns gulden X stuver.
Item van Willem van der Voirt geboirt XII coepmans ryns gulden, den gulden ad XVIII stuver, maect X ryns gulden XVI stuver.
Summa LXVII ryns gulden VII stuver.
Brede
Item aldaer op Severkens hoff die beesten den halfwynne vercocht voir VII ryns gulden.
Item van der Kercken hoff van de halffwynne geboirt II ryns gulden
Summa IX ryns gulden.
Baerle
Item op ter Visscher have 1 peert, VI cleyn rynderken, XVIII schaep, II vercken, daer van geboirt XIIII ryns gulden X stuver.
Item op ten selven have geboirt IX malder rogghen, tmalder ad XVIIJ stuver, maect VII ryns gulden XVII stuver II ortken.
Item noch geboirt II malder gersten, tmalder ad I postulaet gulden, maect 1 ryns gulden VII stuver.
Item op Knijpen have voir een peertken, III rynderken ende XVI schap geboirt XI ryns gulden.
Item op Kamparts ende Cluysen hoff den halffwynne, die peerde ende rynder vercocht voir XVI gulden.
Item die marschalck had die schaep, soe en rekene ick daer nyet aff.
Item tot Baerle echter der kercken van beesten, die Gerits van Meens waeren, geboirt VII rijns gulden XVII stuver II ortken.
Item van Willem van Stocke geboirt 1 ryns gulden.
Item van Johan Rutten geboirt XVII stuver II ortken.
Item van Joris to Baerle geboirt I ryns gulden.
Item van Johan den Smyt III ryns gulden X stuver
Item van Johan Baecken XVIIII stuver.
Item van Herman Sybrechts halffwynne geboirt IIII malder gersten, tmalder ad XIIIJ stuver, maect II ryns gulden XIIII stuver.
Item van Wolter van den Broeck geboirt III vaet ruebsaets ende van den molner 1 malder ruebsaets ende van Willem van Stockt
II vaet ruebsaets te samen 1 malder V vaet ruebsaets, tmalder ad 1 ryns gulden VII stuver, maect II ryns gulden IX stuver II ortken.
Item van den Smyt to Baerle geboirt IJ malder gersten vercocht voir I ryns gulden.
Summa LXXII ryns gulden II stuver.
[afbeelding 0001-1598_006]
Blederick
Item van der haven die den manne van Ruermunde aen den Blockhuse waert genomen geboirt XLVIIJ (47,5) malder haveren,
die heb ick vervoedert myt Willers perden van Erckenteell XVII perde, Hubert van Culenborch III perde, Willem van Wij, Willem
van Sandbeeck, die wonden meisten ende my selven gevoedert, soe en rekene ick daer nyet aff.
Item op Johans haeve van den Broick van twe perden ende IIII rynderen geboirt X ryns gulden.
Item op Jutten Piddels hoff 1 veerdell schaep, twee perken, II rynderken ende IIII cleyne vercken, daer van geboirt XV ryns gulden.
Item van der selven Jutten getymmeren op oeren have geboirt XV ryns gulden.
Item op Griete Scoetelkens hoff IIII perde, IIII rynder, twe veerdell schaep ende III vercken, daer van geboirt XXV ryns gulden.
Item op ter beghinen have tot Holtblederick III pertken, VI rynder, IIII vercken, soe groet, soe cleyn daer van geboirt XV ryns gulden
X stuver.
Item die schaep heb ick den halffwynne vercocht voir XI ryns gulden.
Item op Coelmanne have XXXIIII schaep, III pertken, IIII rynder, daer van geboirt XXII ryns gulden.
Item op Gerits have van Meens IIII rynderken, der bleeff een doet ende een pert, daer van geboirt VI ryns gulden X stuver.
Item op ten have tot Reraey heb ick die beesten vercocht voir XXVIII ryns gulden.
Item op Cracht Boegels hoff heb ick die beesten vercocht voir XXXVIII ryns gulden.
Item op Claes Neselers hoff heb ick die beesten vercocht voir XXIIII ryns gulden.
Item van Lambrecht Willems knaep van Kessell van enen Venlesche onderstalle van schaepen geboirt XIII ryns gulden.
Item die knechte van Blochuse hadden beesten onder den here van Gemen genaemd den van Venle toebehoerende, daer van
geboirt XIIII ryns gulden.
Item noch van desen selven knechten geboirt VIII ryns gulden, die heb ick voirt tot Blederick umme wyn gegeven, soe en rekene
ick daer nyet aff.
Item van Johans beesten van Brede, die Willem Prange genaemen hadde, geboirt VII ryns gulden.
Item van Peter den Molner geboirt IIII malder III vaet rogge, tmalder ad XVIIJ stuver, maect III ryns gulden XVIII stuver III ortken.
Item van Roeloff Cupenbynder voir 1 malder roggen geboirt XVII stuver II ortken.
Item van Lenart van Daell voir III malder roggen geboirt II ryns gulden XII stuver II ortken.
Item van enen scepene tot Blederick van pacht geboirt V malder III vaet rogghen, tmalder ad XVIIJ stuver, maect IIII ryns gulden
XVI stuver I ortken.
Item van desen selven scepen noch geboirt 1 malder III vaet rogge, daer voir geboirt I ryns gulden VI stuver I ortken.
Item noch to Blederick van Hen Batsen geboirt IIIIJ vaet ruebsaets ende van Gerit van Brede IJ vaet ruebsaets te samen I malder
daer voir geboirt 1 rijns gulden VII stuver.
Item van Rueben Cupenbynder II vaet ruebsaets ende van Willem Huet II vaet ruebsaets ende van Herman van Baersdonck III vaet
ruebsaets ende van Art van Reraey IIJ vaet ruebsaets ende van Johan Philips IIJ vaet ruebsaets tesamen II malder ruebsaets,
tmalder ad II postulaets gulden, maect II ryns gulden XIII stuver II ortken.
Item tot Blederick van toll geboirt VII ryns gulden XIIII stuver II ortken.
Summa II C LXVIIII ryns gulden VI stuver I ortken.
[afbeelding 0001-1598_007]
Vpboeren in anderen dorpen van Venleschen gueden.
Item tot Swolgen van Johans have van Loyt van sinen derdendeell van den beesten geboirt IX ryns gulden.
Item van Rutger van Broicchuser vorst van dat hy enen manne van Venle schuldich was geboirt 1 ryns gulden V stuver.
Item noch tot Broichuser vorst van Derick Luytgens geboirt II ryns gulden XII stuver II ortken.
Item van Claes Sluysken van enen onderstalle X schaep III rynder ende IIII bijen geboirt IX rynse gulden X stuver.
Item tot Casterloe van Gerits getymmer van Lotthem op sinen haeve geboirt XXV ryns gulden.
Item van desen selvenGerit van sinen rynderen ende schaepen geboirt XVI ryns gulden.
Summa LXIII ryns gulden VII stuver II ortken.
Summa summarum van alle mynen upboeren voirscr. compt te samen op VIII C LV ryns gulden 1 stuver IIIJ ortken.
Ind soemen tot Raede umme der beden wille niet voell gedingt en heefft, soe heefft die baede aldaer van broecken ende van
gewynne in mynre tyt, die ick niet gerekent en heb geboirt nae uit wisinge deser cedelen hier inne gelacht XLVIII ryns gulden XIX stuver.
Soe compt die somme myns opboeren tsamen op IX C IIII ryns gulden IIIJ ortken stuvers.
Dit is uitgeven myns Dericks van der Horst, amptman etc, dat ick van weghen myns lieven genedigen heren van Gelre ende van
Gulick etc. uitgegeven heb bynnen deser voirg. tijt.
Item myn genedige here geefft my jaerlicks van mynen Ampt te verwaeren ende van des huys gehalts wege ter Horst C rynse
gulden, maect nae beloep der tyt XXXI ryns gulden.
Item soe gheefft my myn lieven genedige here jaerlicks van den gelde dat ick van synre genaeden wegen geworven hebbe ende
Arnt (den Wilden?) van Meerssen gegeven ende uiter den Ampt geloest heb nae uitwisinge myns Amptbrieffs C LVIIIIJ rynse gulden
J krompstert, maect nae beloep der tyt XXXVIII rynse gulden..
Item myn genedige lieve heren gheefft my oick jaerlicks van den scholtet ampt te verwaeren L rynse gulden, maect nae beloep
der tyt XVI rynse gulden V stuver.
Item voir myn ruvoeder jaerlicks X rynse gulden, maect nae beloep der tijt III ryns gulden II stuver.
Item tot mynen perden jaerlicks LX malder haveren, tmalder ad VIIJ stuver maect nae beloep der tyt II rynse gulden IX stuver II ortken
Item voir mynen brant jaerlicks VIII rynse gulden, maect nae beloep der tyt II rynse gulden IX stuver II ortken.
Item den poirter voir sinen kost ende loen jaerlicks XXI ryns gulden, maect nae beloep der tyt VI rynse gulden IX stuver IIJ ortken.
Item den molner voir synen kost ende loen XI ryns gulden maect nae beloep der tyt III rynse gulden IIII stuver.
Summa C VII ryns gulden VIII stuver IIJ ortken.
[afbeelding 0001-1598_008]
Vitgeven aen alreley anderen saecken der beden van Venle aentreffende.
Item Teelman Lynen tot Blederick had die baede in der beden voirt ende weder avergevuert ende syn pont waert ontwe
geschaeten, hem gegeven III ryns gulden VIII stuver.
Item een knecht van der bolwerck geheiten Ludeken was geschaeten den van beveel wegen myns genedige here gegeven II
ryns gulden XII stuver II ortken.
Item enen gesant tot Bruyssell ende tot Antwerpen tot twe tijden umme heymelicken orber, den gegeven III ryns gulden IX stuver.
Item noch enen in Brabant gesant umm heymelicken orber, den gegeven II ryns gulden X stuver.
Item ick hebbe hueffnagell tot Blederick van den yserenwerck totter Bolwerck ende aen der Coecken gegeven XIIII ryns gulden.
Item den veren van Broeckhusen te veergelde gegeven 1 ryns gulden.
Item per literam domini Mekeren ter Horst in der herberge gequijt VII ryns gulden.
Item des saetersdage nae Halffvasten quaemen Scheyvaerts peerde ter Horst in der herberge, bleven daer vyff weken ende
twe dage oensdage gedaen IJ malder haveren, maect LVJ malder haveren, tmalder ad X stuver, facit XXVII ryns gulden XV stuver.
Item synre peerde bleeff een nae in der herberghe IIII dage, den gedaen J malder haveren, meact V stuver.
Item den peerden die die bussen (kanonnen) van Blederick ter Horst brachten ende weder van der Horst to Straelen vuerden,
gedaen III malder haveren valet I ryns gulden X stuver.
Item dese twe wagen waerenter Horst III nachtmyt IX perden, maect aen ruvoeder XXVII vleems valet XVIIII stuver I ortken.
Item in der beden heb ick gehadt III baede, die den kost hadden mytten ruteren ende want die baedschappen soe
mennichvoldich vielen, dat ick der niet besonder umme onlede wille gesienne en konde, soe heb ick elken te loen gegeven
II rynse gulden, maect VI rynse gulden.
Summa LXXIII rynse gulden VII stuver III ortken.
Item aen dat scherm tot Blederick gehadt XLIII pont nagell,ellic pont ad J braspenninck, maect I ryns gulden VI stuver IIIJ ortken.
Item J C suylnagell (zoolnagels?) voir VII stuver II oertken.
Item J C halver suylnagell voir III stuver III ortken
Item des goensdage nae den Sonnendacch Jubilate, quam Willem van Erckenteell (Argenteau?) myt synre geselscappe
tot Kessell, hem gedaen:
Item III vaet byers voir II ryns gulden
Item XL quarten byers voir VII stuver I ortken
Item voir eyer gegeven XI stuver II ortken
Item voir schoenbroet V stuver III ortken
Item voir I hamell gegeven XVII stuver
Item XII nacht ruvoeders, elke nacht ad 1 vleems, maect VIII stuver IIJ ortken
Item tot Peters van Eetgen Raeij gequyt V stuver
Item tot Naelen Bucken verteert XXII vleems ende 1 malder haveren ad XI stuver, maect I ryns gulden VI stuver III ortken.
Summa VIII ryns gulden.
Item soe als die knechte in den lande van Moirse gebrant hadden, soe wart doe oick een hoff gebrant, enen borger van
Ruermunde toebehoerende, den heb ick van beveell myns genedigen heren den manne gericht ende heb daer voir betaelt
C rynse gulden ende XXIII.
Summa per se.
Item soe bleeff my myn lieve genedige here in mynre lester rekeninghen sculdich XIII C XXV ryns gulden i ortken stuver XXIIIJ
kromstert.
[afbeelding 0001-1598_009]
Summa summarum van alle mynen uitgeven voirscr. compt te samen up XVI C XXXVI ryns gulden XVI stuver IIJ ortken stuver XXIIIJ
kromstert.
Uo ende aff geslagen dat upboeren tegen dat uitgeven, soe beloept dat uitgeven meer dan dat upboeren VII C XXXII ryns gulden XV
stuver III ortken XXIIIJ kromstert.